Rəsmi qəzetlər dövlət başçısı İlham Əliyevin “ASAN-xidmət” mərkəzində icra edilən xidmət növləri və elektron xidmətlərin genişləndirilməsi haqda fərmana dəyişikliklər haqda imzaladığı fərmanın mətnini dərc ediblər.
“Azadlıq” qəzeti ölkənin avtomobil satışı bazarında kredit şərtlərinin dəyişdirilməsini “maşın satışının bir əldə cəmlənməsi” sayaraq mövzunu ilk səhifəyə çıxarıb.
Türkiyədən deportasiya edilən jurnalsit Mahur Zeynalov Türkiyə baş nazirinin onu həbs etdirmək istədiyini, baş nazirsə deportasiyadan xəbərsiz olduğunu deyir.
İranın Ermənistandakı səfiri “Güney Azərbaycan” iddialarına görə Azərbaycana “bu iddialar Azərbaycanın suverenlyini sual altına qoya bilər” hədəsini biçib.
Dəmiryol sistemində 2014-cü ildən tariflərin 31% artmasını və bu artımın əsaslandırılmamasını ekspertlər “artımın korrupsiyaya xidmət etməsi” sayıblar.
“Zerkalo” uşaqlarla iş üzrə QHT Alyansının Azərbaycanda ildə 40-60 uşağın intihar etməsini “dəhşətli rəqəmlər” adlandırır.
“Ekspress”. Dövlət başçısı İlham Əliyevin sərəncamı ilə Bakı Ağır Cinayətlər Məhkəməsinin hakimi Həsən Əliyev qanunvericlilik tələblərini dəfələrlə kobudcasına pozduğuna görə səlahiyyətinə vaxtından öncə xitam verilib.
“Exo” ekspertlərə istinadən yanvar ayında ərzaq mallarının qiymətlərinin 1,25% artdığını yazaraq bunun dövlət üçün təhlükəli oldiuğunu nəzərə şatdırır.
“Novoe Vremya” Bakının Sovetski, Kubinka məhəllələrində evlərin söküntüsü ilə bağlı hər kv.metrə 1500 manat ödənəcəyilə razı olmayan saknilərin qarşıdurmalara gedəcəyini yazaraq hökuməti sosial gərginlik yaratmamağa çağırır.
“Bizim yol” ARDNŞ-nn yanacağın qiymətinin bahalaşdırmağa hazırlaşdığını və benzinin qiymətinin 1 manata qalxacağını manjetə çıxarıb.
Qəzet ekspertlərə istinadən bank sistemindəki kredit qadağasının arxasında inflyasiya, problemli kreditlər, maliyyə qurumlarını gözləyən defolt qorxusu dayandığını, bu təlatümlərin bir neçə kommersiya qurumunu sıradan çıxaracağını yazır.
Qadın problemlərilə bağlı qurumlara istinadən qəzet 2013-cü ildə 98 nəfər qadının intihara əl atdığını bildirir.
“Yeni Müsavat” keçmiş iqtisadi inkişaf naziri Fərhad Əliyevin Londonda xüsusi qoruma altında olmasını və burada sığınacaq almasını ilk səhifəyə çəkib.
Qətlindən 5 il keçən general Rail Rzayevin yaxınları qatil hələ də tapılmadığı üçün istintaqa inanmadıqlarını bildiriblər.
Çeçenistanın prezidenti Ramzan Kadırovun adamı olan Hüseyn Marayev “Bakı” mehmanxanasının səhmlərinin 95%-nə sahiblənib.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz