![Mətbuat-Monitorinq 12.07.13](https://turan.az/resized/750/500/resize/media/2013/main/071100042340.jpg)
Mətbuat-Monitorinq 12.07.13
Rəsmi və iqtidaryönlü qəzetlər Türkiyənin “Ekovitrin” jurnalının İlham Əliyevi “10 ilin dövlət adamı” kimi mükafatlandırmaq üçün İstanbulda təqdimat keçirməyə hazırlaşdığını ilk səhifəyə çıxarıblar. Bundan əlavə, bu qəzetlərdə dövlət başçısının Yevlax rayonunun inkişafı ilə bağlı 3 miyon manat vəsait ayrılması haqda sərəncamının mətni yer alıb.
Bu qəzetlər Milli Şuranı, aparıcı müxalifət partiyalarını əsassız ittihamlara məruz qoyan məqalələr yerləşdiriblər.
“Azadlıq” qəzeti Ağdam rayon icra başçısının rayonun işğal altında olan torpaqlarında əkin-biçin etmək adı ilə pulları mənimsəməsini “icra başçısının müdhiş korrupsiya əməliyyatı” adı ilə manjetə çıxarıb.
Prezident Administrasiyası İşlər idarəsinin Zuğulba iqamətgahının baş məsləhətçisi həbs edilib. İctimaiyyətdən gizlədilən həbslə bağlı istintaq artıq başa çatıb.
PA ictimai-siyasi şöbəsinin müdiri Əli Həsənovun “Azadlıq” qəzetini dövlətə sədaqətli olmamaqda ittiham etməsinə qəzet rəhbərliyi “dövlətə sədaqət məsələsində ən zəif mövqe indiki iqtidara aiddir” cavabını verib.
Qəzet deputat Mehriban Əliyevanın prezidentliyə namizədliyinin irəli sürülməsinin “iqtidar daxilində parçalanmanı gücləndirməsinə” diqqəti çəkir.
“Zerkalo” İranın Xəzər sularında İslam Keşikçiləri Korpusunun bölmələrini yerləşdirməsini “İranın müharibəyə hazırlaşması” kimi dəyərləndirir.
Qəzet Mətbuat Şurasının İnternet KİV-ləri nəzarətdə saxlamaq niyyətində olduğunu nəzərə çatdırır.
“Ekspress” yazır ki, Ermənistanı soyqırım törətməkdə ittiham edən Moldova ombudsmanı Aureliya Qriqoriunun vəzifəsindən geri çağırılması məsələsi Moldova parlamentində müzakirə edilib.
“Exo”. Qeyri-yaşayış əmlakının dəyəri yaşayış əmlakının dəyərilə müqayisədə yüksəkdir, şəhərin mərkəzinə yaxınlaşdıqca bu fərq daha da artır.
“Novoe Vremya” seçkiöncəsi iqtidar və müxalifət təmsilçilərinin xaricə sıxlaşan səfərlərinə toxunaraq yazır ki, “dəstəyi xalqın içində axtarmaq lazımdır, bu iqtidar üçün də müxalifət üçün də zəruridir”.
“Bizim yol” İrandan vətənə qayıdan Azərbaycan vətəndaşlarının şəxsi istifadə üçün aldıqları çay və xurmanın gömrükçülər tərəfindən qanunsuz müsadirə olunması haqda məqalə dərc edib.
“Yeni Müsavat” şərti “milyarderlər ittifaqı”nın sədri Abbas Abbasovun Bakıya qayıtmasına qadağa qoyulması ilə bağlı etirafını ilk səhifəyə çıxarıb.
Qəzet eks-spiker Rəsul Quliyevə istinadən keçmiş təhsil naziri Misir Mərdanovun ölkədən çıxmasına qeyri-rəsmi qadağa qoyulduğunu bildirir.
Milli Şuranın prezidentliyə namizədinin qeydə alınmayacağı halda seçkidən kənarda qalacağına Müsavat Partiyası başqanı İsa Qəmbər “MŞ seçkilərdə iştirak üçün yaradılıb, seçkiləri boykot üçün yox” xəbərdarlığı edib.
Şeyxülislam Allahşükür Paşazadənin siyasi partiyalara iftar süfrəsi qadağasını ekspertlər “şeyxülislam təkcə bir tərəfin mənəvi lideri olduğunu göstərdi” kimi şərh ediblər.
-
- Bazarların icmalı
- 12 İyul 2013 11:35
-
- İqtisadiyyat
- 12 İyul 2013 13:28
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz