İyulun 17-18-də Almaniya Federativ Respublikasının paytaxtı Berlin şəhərində Ticarət və İntestisiyalar üzrə Azərbaycan-Almaniya Yüksək Səviyyəli İşçi Qrupun 3-cü iclası keçiriləcək. İclasda iki ölkə arasında iqtisadi və ticarət əlaqələrin mövcud vəziyyəti, ötən ilin martında keçirilən İşçi Qrupunun 2-ci iclasından ötən dövrdə görülən işlər, müxtəlif sahələrdə əməkdaşlığa dair məsələlər müzakirə olunacaq.
İqtisadi İnkişaf Nazirliyinin mətbuat xidmətinə Turan-a bildiriblər ki, iclasda Azərbaycanı İqtisadi İnkişaf Nazirliyinin Aparatının rəhbəri Samir Vəliyevin rəhbərlik etdiyi işçi qrup təmsil edəcək.
İşçi Qrupunun 2-ci iclasında iqtisadi inkişaf nazirinin müavini Niyazi Səfərov iki ölkə arasında iqtisadi münasibətləri müsbət qiymətləndirib. «2011-ci ildə Azərbaycanla Almaniya arasında əmtəə dövriyyəsi 2,2 dəfə artıb. Azərbaycana Almaniya investisiyaları $450 mln-dan çoxdur. Ölkədə Almaniya kapitallı 105 şirkət var. 460 mln avroluq 10 birgə layihə həyata keçirilir», – deyə Səfərov bildirib.
Gömrük Komitəsinin məlumatına görə, 2012-ci ildə Azərbaycanla Almaniya arasında əmtəə dövriyyəsi $1 744,5 mln olub. Bu, əvvəlki ildəkindən 27,5% çoxdur. Azərbaycandan ixracat 84,3% artıb, Almaniyadan idxalat 7,7% azalıb. Bu ilin beş ayında Almaniyaya $780 mln məbləğində mal ixrac edilib (+50%), əks istiqamətdə idxal $286,4 mln (-2,5%) təşkil edib. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz