Dövlətin mətbuata qayğısı görüntüdür

DİN rəhbəri cinayətlərin üstünün 98% açıldığını bildirir, lakin jurnalistlərə qəsdlə bir cinayətin belə açılmayıb. “Yeni nəsil” Jurnalistlər Birliyinin sədri Arif Əliyev “Obyektiv”TV-yə (obyektiv.tv) müsahibəsində bildirib.

Azərbaycanda jurnalistlər gizli dinlənilir, ən populyar blogerlər izlənilir, sərf etməyənlərə təzyiqlər göstərilir, kompromatla şantaj edilir, şəxsli həyatına müdaxilələr olur, döyülür, bəzən isə öldürülür – söz azadlığına ciddi   qəsdlərin olduğu göz önündədir.

A.Əliyevin sözlərinə görə, Mətbuat Şurasının son qurultayı KİV atmosferinə yenilik gətirməyib, çünki inkişaf üçün stimul yoxdur. Dövlətin ayırdığı vəsait isə uzunmüddətli perspektivə yönəlməyib.

Avtoritar ölkədə ifadə azadlığı sahəsində nailiyyətlərdən danışmaq olmaz. Bu, yalnız KİV və jurnalistlərə aid deyil, həm də digər azadlıqlara – toplaşma, vicdan və s. aiddir. 

Söz azadlığına gəlincə, demokratların və hakimiyyətin meyarları fərqlidir. Ölkə rəhbərliyi güclə mövcud olan iki-üç müxalifət nəşrini dünya birliyinə nümayiş etdirərək bunu plüralizmin təntənəsi kimi qələmə verir.  

Azərbaycanda reklam bazarı gücləndirilmiş hökumət nəzarəti altındadır, cəza qorxusu altında olan maliyyə axınları hakimiyyətin himayəsində olmayan nəşrlərə yönəldilə bilməz.

Şəhərin abadlaşdırılması adı altında yüzlərlə köşk sökülüb, alıcının mətbuat əldə etmək imkanları çətinləşib.

Milli Televiziya və Radio Şurası müstəqil radiotezliklərin alınması üzrə tender elan edir, lakin nəticələri dərc etmir. Məgər bu, kəskin senzuranın təzahürü deyilmi?

150 jurnalist üçün mənzil ayrılması dövlətin qayğısı demək deyil, bir qrup loyal adama bəxşişdir  (bu peşənin minlərlə nümayəndəsi qocalığa görə təmin olunmayıb) 

KİV-ə Dövlət Dəstəyi Fondundan ayrılan vəsaitlər qeyri-rasional olaraq xərclənir. İndiyədək onun vasitəsilə 20 mln. manat keçib ki, bu da ya jurnalistlərə ya da profil üzrə QHT-lərə paylanılıb. Halbuki, əslində infrastrukturun yaradılmasına, inkişaf perspektivlərinin təminatına yönəldilməlidir. Əgər bu vəsaitin heç olmasa  bir hissəsi nəşriyyat imkanlarının artırılmasına, müstəqil firmalara, yayımçılara ayrılsa hamı üçün faydalı olar.

“Diffamasiya haqqında qanun” vacibdir, baxmayaraq ki, əvvəlki kəskinliyini itirib. Bu gün jurnalistlər peşə fəaliyyətinə görə deyil, başqa maddələr üzrə - guya xuliqanlıq, narkotik maddə saxlamaq və ya satmaq, rüşvətxorluq və s. görə həbs edilir. “2009-cu ildə bizim təşkilat parlamentə “Diffamasiya haqqında” qanunu təqdim edib. 

Dünya praktikasına görə, diffamasiya Cinayət Məcəlləsi çərçivəsindən çıxarılmalı, cərimələr isə yüngül olmalıdır. Parlament komitəsi qanun layihəsinin yeni redaksiyasını hazırlayıb, lakin bu tələblər nəzərə alınmayıb”, - A.Əliyev bildirib.--17D—