![Mətbuat-Monitorinq 13.01.16](https://turan.az/resized/750/500/resize/media/2016/main/011300143197.jpg)
Mətbuat-Monitorinq 13.01.16
Ölkə mətbuatının əsas gündəmi ölkədəki böhranın yaratdığı bahalaşmaya qarşı regionlarda başlayan xalq etirazlarıdır.
Rəsmi qəzetlər dövlət başçısı İlham Əliyevin ölkəyə təyin olunan bəzi səfirlərin etimadnamələrini qəbul etməsi haqda xəbərləri, bir sıra ölkələrə Azərbaycanın səfirlərinin təyin olunması haqda sərəncamların mətnlərini ön səhifələrə çıxarıblar.
“Azərbaycan”, “Xalq qəzeti” və “Respublika” qəzetləri rayonlarda başlayan etiraz aksiyaları haqda hər hansı informasiya yaymayıblar.
“Azadlıq” qəzeti Füzuli, Lənkəran, Siyəzən, Ağcabədi rayonlarındakı aksiyaları “regionlarda etirazların başlaması” kimi dəyərləndirir.
Böhrana və bahalaşmaya səbəb olan neftin ucuzlaşması haqda Amerika bankları neftin dəyərinin 10 dollara qədər enəcəyini bildiriblər.
Rəsmi Bakının inzibati yollarla böhranın qarşısını almaq cəhdlərinə Milli Şuranın sədri Cəmil Həsənli “onun qarşısını prokurorluq vasitəsilə almaq olmaz” bəyanatını səsləndirib.
İqtisadçı ekspert Nemət Əliyev “bu hökumətlə böhranı aradan qaldırmağın mümkün olmadığını” söyləyib.
“Ekspress” böhran fonunda yumurta satışını bahalaşdıranların saxlandığını nəzərə çatdırır.
“Exo” “ölkədə struktur islahatlarının vaxtıdır” deyə böhrandan və etirazlardan çıxış yolunu bu islahatlarda gördüyünü qeyd edir.
“Novoe Vremya” regionlardakı narazılıqları “Azərbaycanda insanların qiymət bahalığına etiraz etmələri” kimi təsnif edir.
İndiyə kimi hökumətin antiböhran proqramının olmamasını isə qəzet “Nazirlər Kabinetinin gücsüzlüyü” adlandırır.
“Bizim yol” ölkədə bahalaşma əleyhinə aksiyalarla bağlı xəbərləri ilk səhifəyə çəkib.
Böhranın yaratdığı ölkədə dollarla kredit götürənlərin ödəməsindəki problemlərlə bağlı iqtisadçı ekspert Samir Əliyev “Mərkəzi Bank manatın ucuzlaşmasından qazandığı vəsaitdən istifadə edə bilər” mövqeyini ifadə edib.
“Yeni Müsavat” regionlarda başlayan aksiyalara “rayonlarda etiraz dalğası başlayır” müəmması ilə yanaşıb.
Keçmiş baş nazir Pənah Hüseyn isə etirazlara “hökumətin təcili antiböhran tədbirlərinə başlamamasını” səbəb göstərir.
“Hökumətin addımları mövcud situasiyaya adekvat deyil” deyə ekspert Samir Əliyev bu tərs mütənasiblikdə böhrandan çıxmağın mümkünsüzlüyünü vurğulayıb.
-
- İqtisadiyyat
- 13 Yanvar 2016 10:10
-
- İqtisadiyyat
- 13 Yanvar 2016 12:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz