Mətbuat-monitorinq 13.11.15

Rəsmi qəzetlər dövlət başçısı İlham Əliyevə BMT-nin Əhali Fondunun mükafatının təqdim olunması haqda xəbəri, Rabitə naziri Əli Abbasovun vəzifədən azad edilməsi haqda sərəncamın mətnini ilk səhifələrdə yerləşdiriblər.

“Azadlıq” qəzeti rabitə naziri Əli Abbasovun vəzifəsindən azad olunmasını “Əli Abbasov “MTN işi”nə görə vuruldu” başlığı ilə manjetə çıxarıb.

Cəlilabad rayonundakı N saylı hərbi hissənin keçmiş əməkdaşları yaşadıqları hərbi şəhərcikdəki evlərindən çıxarılmalarına etiraz olaraq aksiya keçiriblər.

Vicdan məhbusu İnqitam Əliyevlə ictimaiyyət nümayəndələrinə görüş verilməməsini qəzet “Ədliyyə Nazirlyinin növbəti qanunsuzluğu” kimi şərh edir.

Uzun müddət Azərbaycanda təqiblərə məruz qalan RATİ rəhbəri Emin Hüseyn İsveçrədə “öz ölkəsindəki siyasi vəziyyətə görə” statusu ilə sığınacaq alıb.

Həbsdə olan Xüsusi Dövlət Mühafizə Xidmətinin zabiti Asif Lətifovun səhhətində problem yaranıb, onun valideynləri buna görə müalicə müəssisəsinin həkimini günahkar sayırlar.

RF Ermənistan səfirliyi RF XİN başçısı Lavrovun İrəvana son səfəri zamanı 5 rayonun Azərbaycana qaytarılması ilə bağlı hər-hansı müzakirə aparılmadığını bildirir.

   Ekspertlər PA rəhbəri Ramiz Mehdiyevin MDB ölkələri Təhlükəsilzik Şurası rəhbərlərinin görüşünə qatılmasının Azərbaycan üçün müsbət olan hər-hansı nəticə verməyəcəyini bəyan edirlər.  

Qəzet etibarlı mənbələrə əsaslandığını bildirərək ölkənin bank sistemində 5 minə yaxın, SOCAR-da isə 1000 nəfərdən çox əməkdaşın ixtisara düşəcəyini yazır.

Eksperetlərə görə, İranın neft bazarına dönüşüneftin neftin daha 10 dollar ucuzlaşmasına səbəb olacaq.

“Ekspress” qəzeti rəsmi Bakının ATƏT-in Minsk qrupu həmsədrlərini uğursuz fəaliyyətdə ittiham etməsinə həmsədrlərin “biz hakim və ya vəkil deyilik” cavabını ön plana çıxarıb.

Qəzet Rabitə Nazilriyinin “MTN işi” ilə bağlı indiyə kimi 10-a qədər vəzifəli şəxsinin həbsə alındığını nəzərə çatdırır.

“Exo” qəzeti xeyriyyəçilik reytinqində Azərbaycanın 2013-cü ildəki 69-cu yerdən 2015-ci ildə 122-ci yerə enməsini ilk plana çəkib və ekspertlərə isnadən geriləməyə səbəb kimi əhalinin gəlirlərinin kəskin azalmasını gösətrir.

“Novoe Vremya” qəzeti MTN şefi Eldar Mahmudovun, ardınca rabitə naziri Əli Abbasovun vəzifədən azad edilməsinə toxunaraq, “çıxmağa növbəti namizəd kimdir?” sualını diqqət mərkəzinə çəkir.

Kütləvi ixtisarların ölkəni çalxaladaığını yazan qəzet işsizliyin yenidən aktual məsələyə döndüyünü bildirir. 

  “Bizim yol” qəzeti nazir Əli Abbasovun vəzifədən azad edilməsini ilk səhifəyə yerləşdirib.

Qəzet “Azəriqaz” sistemində ciddi sturktur dəyişikliyi getdiyini, paytaxtdakı qaz idarələrinin ləğv oldunduğunu yazaraq, bu səbəblə min nəfərdən çox əməkdaşın ixtisara düşəcəyini yazır.

Mərkəzi Bankın 9 aylıq hesabatına toxunan qəzet bankın problemlərə səbəb kimi dünyadakı iqtisadi böhranı etiraf etməsini xüsusi vurğulayır.  

“Yeni Müsavat ” qəzeti rabitə naziri Əli Abbasovun vəzifədən azad edilməsinə səbəb kimi səlahiyyətlərini icra edə bilməməsini diqqət mərkəzinə çəkir.

Yaxın Şərq uğrunda güclənən RF-İran müttəfiqliyinə qarşı Türkiyə-ABŞ müttəfiqliyinin yeni mərhələyə keçdiyini yazan qəzet bu sırada rəsmi Bakıdan da gözləntilər olduğunu nəzərə çatdırır.

İnsan Haqları üzrə Birgə İşçi Qrupun üzvü Novella Cəfəroğlu qarşıdakı ay yarım ərzində bütün siyasi məhbusların azadlığa çıxacağı bəyanatı səsləndirib.