Yerevan/13.11.15/Turan-Armİnfo: Ermənistan və Azərbaycan Silahlı Qüvvələrinin təmas xəttinin cənub hissəsində atışma nəticəsində iki erməni hərbiçisi qətlə yetirilib. Erməni separatçılarının hərbi komandanlığının verdiyi məlumata görə, Vaqe Vanosyan (1995-ci il təvəllüdlü) və Mikael Torosyan (1996-cı il təvəllüdlü) öldürülüb.
Mənbənin məlumatına görə, əsgərlər noyabrın 12-də saat 21:00 radələrində cənub istiqamətində hərbi hissələrdən birində döyüş postunda Azərbaycan tərəfindən açılan atəş nəticəsində həlak olub.
Noyabrın 13-də günorta Azərbaycan Müdafiə Nazirliyi bildirib ki, noyabrın 12-də axşam düşmənin diversiya qrupu cəbhə xəttində Azərbaycan ordusunun mövqeyinə hücum etməyə çalışıb.
Azərbaycan hərbiçiləri qrupu sezib və qabaqlayıcı tədbirlər görülüb. Nəticədə düşmən iki nəfər itki verib və geri çəkilib. Qrup üzvləri arasında çox sayda yaralananlar var. Azərbaycan tərəfdən itki yoxdur. -02D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz