Mətbuat-Monitorinq 14.02.14

Rəsmi qəzetlər dövlət başçısı İlham Əliyevin və xanmının Milli Konservatoriyanın yeni kompleksinin açılışında iştirakı haqda xəbərləri ilk səhifələrə çıxarıblar. Bundan əlavə, bu qəzetlər “Elektron məhkəmə” informasiya sisteminin yaradılması, Gəncənin sosial-iqtisadi və sosial-mədəni inkişafında rolu olan şəxslərin təltif olunmaları haqqında sərəncamların mətnlərini dərc ediblər.

“Azadlıq” qəzeti dünən ölkə ərazisində baş verən silsilə partlayışlara aid xəbərləri ön plana çəkərək nəticədə 4 nəfərin həyatını itirdiyini bildirir. 

Avropa Biliyi məsullarının Azərbaycanda QHT-lərin fəaliyyətinin məhdudlaşdırılmasını pisləmələrini rəsmi Bakı “siyasi təzyiq” adlandırıb. Mərkəzi ofisi Nyu-Yorkda yerləşən Jurnalistləri Müdafiə komitəsi Əliyev rejimini “mətbuat azadlığını utanmadan boğmaqda” ittiham edir. 

Son 10 ildə ölkə bölgələrinin iqtisadi inkişafı üçün 51 milyard manat xərclənsə də nəticə olmamasına ekspertlər “ciddi dəyişiklik inkişafı görünmür” şərhini veriblər. 

Ölkədə kütləvi şəkildə saxta şirkətlərin yaradılması kampaniyasını ekspertlər “bunların arxasında iri məmurların durması, ölkədə kölgə iqtisadiyyatını artmasına xidmət” kimi dəyərləndiriblər. 

Əri Soltan Mirzəyev Suriyada qanunsuz silahlı dəstələrin tərkibində döyüşərək öldürülən Mətanət Mirzəyeva ərini Suriyaya xüsusi qrupların apardığını deyib. 

“Ekspress” Azərbaycanda QHT-lərin fəaliyyətinin məhdudladırılması ilə bağlı Avropa Birliyi təmsilçilərinin bəyanatını “Azərbaycana qərəzli yanaşma” saymasını manjetə çıxarıb.

Qəzet metronun “Azadlıq prospekti” stansiyası yaxınlığındakı yarımçıq tikilidə baş verən partlayışda 5 nəfərin yaralandığını nəzərə şatdırır.

“Exo”  Azərbaycanın İsrail robotlarına marağının İranda narazılığa səbəb olacağını “Tehranın reaksiyası necə olacaq” sualı ilə anladır.

Qəzet ekspertlərə istinadən orduda daha çox nizamnamədənkənar münasibətlərin və silahla ehtiyatsız davranmanın hərbi qulluqçuların ölüm və yaralanmasına səbəb olduğunu nəzərə çatdırır. 

“Novoe Vremya”  Avropa Birliyi məsullarının Azərbaycanda QHT-lərin fəaliyyətinin məhdudlaşdırılması ilə bağlı bəyanatının müsbət nəticə verməyəcyinə ironik “Ketrin Eşton və Ştefan Füle Azərbaycanda demokratiyanın qayğısına necə qalırlar” mövqeyini ifadə edir.    

“Bizim yol” dünən ölkədə baş verən 4 partlayış və bunun nəticəsində 4 nəfərin həlak olması, 6 nəfərin yaralanması haqda xəbərləri ilk səhifəyə çıxarıb. 

Yanacağa tətbiq edilən aksiz dərəcələrinin 2-3 dəfə azaldılması haqda Nazirlər Kabinetinin 35 saylı fevral qərarını şərh edən ekspertlər keçən ilin dekabrında benzinin pərakəndə satış qiymətinin də endirilməsinin lazımlığını deyiblər. 

2014-cü il üçün Azərbaycanda “inflyasiya sunami”si gözlənildiyini deyən ekspertlər bahalaşma gözləntilərinin kommunal xidmətləri də artıracağı barədə xəbərdarlıq edirlər.

“Yeni Müsavat”  dünən Bakı və əyalətlərdəki partlayışlara birmənalı olmayan “terror, yoxsa günün fəlakəti” mövqeyini ilk səhifəyə çıxarıb.

Qəzet ekspertlərə istinadən ölkədə kredit qadağalarını rəsmi Bakının maliyyə axınını Avropa Olimpiya Oyunlarının təşkilinə yönəltməsilə əlaqələndirir.

Qərb-Azərbaycan münasibətlərinin mövcud durumuna araşdırmaçı Ərəstun Oruclu “son 20 ildə münasibətlər bugünkü qədər pis olmayıb” şərhini verib.  

İnterpol xəttilə barəsində axtarış elan edilən Azərbaycan vətəndaşları İmran Qasımov və Müşfiq Bayramovun  Əfqanıstanda öldürüldükləri məlum olub.