Rəsmi qəzetlər dövlət başçısı İlham əliyevin Monteneqro səfəri və görüşləri haqda yazır. Bundan əlavə, bu qəzetlərdə politoloq Eldar Namazovun təsisçilərindən biri olduğu “EL” hərəkatı tənqidlərə məruz qoyulur.
“Azadlıq” qəzeti yazır ki, İctimai Palata “Demokratiyaya Yardım Fondu”na dəstək üçün martın 18-i saat 12:00-dan 15:00-dək xeyriyyə marafonu keçirmək barədə qərar qəbul edib.
Hazırda mühakimə edilən “Talişi sədo” qəzetinin redaktoru Hilal Məmmədovun üzünə duraraq onu dövlət çevrilişi etməkdə suçlayan Elman Quliyev bundan öncə mərhum Novruzəli Məmmədovun da üzünə durub.
Rəsmi Bakının ABŞ-ı tənqid hədəfi seçməsinə ekspertlər “ABŞ-dan düşmən obrazı yaradıb bütünü daxili narazılıqları ona bağlamaq cəhdi” şərhi veriblər.
8 müxalifət partiyası liderinin növbəti görüşündə iştirakı haqda suala Müsavat Isa Qəmbər belə görüşləri “məqbul saymadığını” bildirib.
Vəkil Qurban Məmmədov ölkədəki ictimai-siyasi duruma “pulu olan pulu, ağlı olan ağlı ilə rejimə qarşı mübarizə aparmalıdır” bəyanatı səsləndirib.
“Zerkalo” son vaxtlar ölkədə sosial şəbəkələrin fəaliyyətinə qadağa qoyulması haqda açıqlamaları “sabitliyi saxlamaq naminə bütün kommunikasiya vasitələrini məhv etmək mümkünlüyü” kimi dəyərləndirərək bu mövqeyə “irəli keçmişə doğru” münasibəti ifadə edir.
Penitensiar Xidmətin rəhbəri Mədət Quliyevin inkar erməsinə baxmayaraq, 17 saylı həbsxanada cəza çəkən məhbusun yaxınları burada qiyam baş verdiyini bildirir.
“Ekspress” insan ölümünə səbəb olan avtoxuliqanların 12 ilədək həbs oluna biləcəklərini nəzərə çatdırır.
“Exo” bu il ölkəyə 2,3 milyon nəfər turist gözlənilməsilə bağlı turist xidmətlərinin və otellərin qiymətlərinin 10% bahalaşacağını yazır.
Ölkədə insan həyatını yaxşılaşdırmaq üçün yaşayış minimumnu düzgün müəyyən etməyi əsas sayan ekspetlər ərzaq üçün adi ailəyə ayda 600 manat tələb olunduğuna diqqət çəkirlər.
Havaların isti keçməsi ilə bağlı ölkənin bir çox şimal və cənub çaylarında sululuq səviyyəsinin artması qeydə alınır.
“Novoe Vremya” ölkədə demokratik təsisatların olmamasına, iqtidarın ancaq “neft ixracı” üzərində dayanmasına “paslanmış neft iynəsi üzərində oturmaq əlverişlidirmi?” sualı ilə aydınlıq gətirmək istəyir.
Ölkə vətəndaşlarının 10 mart aksiyasından sonra rəsmi Bakının beynəlxalq qurumları tənqdə məruz qoymasını ekspertlər “iqtidarın günahkar axtarışı” adlandırırlar.
“Bizim yol” iqtidarın beynəlxalq qurumları ölkədən çıxarmağa hazırlşadığını yazaraq bunu seçkiləri beynəlxalq müşahidəyə imkan verməmək, seçki layihələrini məhdudlaşdırmaq adlandırır.
Qəzet rəsmi Bakının beynəlxalq qurumları müxalif QHT-ləri maliyyələşdirmək ittihamına cavab olaraq yüksək məbləğli layihələrlə maliyyələşdirilən 28 QHT-nin adını çəkir ki, bunlar da hökumətyönümlü QHT-lərdir.
“Yeni Müsavat” yazır ki, Vyanadan verilən tapşırıq əasında ATƏT-in Bakı ofisi əməkdaşlarının yazışmaları, təmasları haqda məlumatlar araşdırılır, Koray Torqayın vaxtından öncə geri çağırılması gözlənilir.
Əsassız narkotik maddə ittihamı ilə həbsə alınan Hacı Mehdi Şamilli “Yeni Müsavat” qəzetinə məqalə yazdığına görə təcridxana rəhbərliyi ona təzyiq edərək məqalə yazmayacağı barədə iltizam alıb.
Türkan qəsəbəsində icra nümayəndəsi Rahil Babayevin oğlu ilə Samir Feyzi adlı şəxs arasında atışma olub, hər iki şəxsi qara maskalılar həbs edərək naməlum istiqamətə aparıblar.
Rəy yaz