Xəzər Avropa İnteqrasiya İşgüzar Klubu (CEIBC) bu il aprelin 1-dən biznes-hakimiyyət görüşlərinin fəal təşkilinə başlayır. Görüşlər demək olar ki, bir neçə ildir ki, dayandırılıb.
“Biznes-hakimiyyət dialoqunun canlandırılması məqsədilə Azərbaycan prezidentinə, CEIBC-in sədri İlham Əliyevə müraciət edərək nazirlər, dövlət komitələri və agentliklərinin rəhbərləri ilə daimi görüşlərin təşkili təşəbbüsünü dəstəkləməyi xahiş etmişik”, - CEIBC-nin prezidenti və baş icraçı direktoru Telman Əliyev bildirib.
“Təşkil etdiyimiz görüşlərin nəticələri üzrə müzakirə olunan problemlər və onların həllinə yardım göstərəcək təkliflərə dair hesabat hazırlanacaq. Bununla əlaqədar biz dövlət başçısına müraciətdə biznesin zəruri problemlərinin həlli üçün bu ilin sentyabrında onunla görüşlə bağlı təşəbbüsümüzü dəstəkləməyi xahiş etmişik”, - T.Əliyev vurğulayıb.
Caspian Energy International Media Group və CEIBC-nin biznes nümayəndələri arasında keçirdiyi sorğunun nəticələrinə görə, onlar ilk növbədə 18 yüksəl vəzifəli məmur, o cümlədən 10 nazirlə görüşmək istəyirlər.
“Bu görüşlər ayda iki dəfə keçiriləcək və ilk belə görüş fevralın sonlarında Azərbaycan Dövlət Sosial Müdafiə Fondunun sədri Səlim Müslümovla olub”, - T.Əliyev bildirib.
CEIBC 2002-ci ilin iyununda Caspian Energy International Media Group-un fəal iştirakı və Xəzər-Qara dəniz regionunda fəaliyyət göstərən iri neft-qaz şirkətlərinin dəstəyi ilə yaradılıb. --08D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz