Azərbaycan 2016-cı ildən Avrasiya Neft Nəqliyyatı Dəhlizi (ANND) layihəsi çərçivəsində Ukraynaya neft ixracı həyata keçirməyə başlayacaq, bu barədə Ukraynanın Energetika və Kömür Sənayesi Nazirliyinin rəsmi saytında nazir Eduard Staviskinin martın 12-də Bakıda Azərbaycanın sənaye və energetika naziri Natiq Əliyevlə işgüzar görüşü haqqında məlumatda bildirilir.
“Tərəflər Avrasiya Neft Nəqliyyatı Dəhlizi layihəsinin həyata keçirilməsi məsələlərini, o cümlədən bu layihənin dəstəklənməsi üzrə beştərəfli hökumətlərarası sazişin hazırlanması məsələsini müzakirə ediblər. Layihəyə əsasən, Azərbaycan neftinin ilk hissəsi artıq 2016-cı ilin əvvəllərində ixrac edilməlidir”, deyə məlumatda qeyd edilir.
“Ukrayna tərəfi Azərbaycan neftinin Ukrayna NEZ-lərinə ixracının bərpasında maraqlıdır. Ukrayna tərəfi Azərbaycan neftinin Ukrayna ərazisindən Avropa bazarlarına, o cümlədən “Odessa-Brodı” neft kəmərindən və “Dostluq” sistemindən istifadə ilə Çexiya, Slovakiya və Macarıstana tranziti üçün bütün texniki zəminləri hazırlayıb, deyə məlumatda Staviskidən sitat gətirilir.
“Nazirlər qaz sektorunda TANAP (TransAnadolu qaz kəməri) və AGRİ (Azərbaycandan maye qazın Gürcüstan və Qara dəniz vasitəsilə Avropaya nəqlini nəzərdə tutan Azərbaycan-Georgia-Romanian İnterconnector) layihələrinin həyata keçirilməsi, həmçinin Azərbaycan Respublikasının su enerjisi potensialının satılması, xüsusən mövcud SES-lərin texniki təchizatının yenilənməsi və yenidən qurulması, habelə yeni SES-lərin tikintisi və istismara verilməsi məsələlərini müzakirə ediblər”, deyə məlumatda bildirilir.
Bir müddət əvvəl “Odessa-Brodı” neft kəməri layihəsi çərçivəsində ildə dörd milyon ton Azərbaycan neftinin nəqlindən, Azərbaycandan Ukraynaya maye qaz nəqli çərçivəsində isə 2014-cü ilə qədər Qara dənizinin Ukrayna sahilində ilk sırasının tikintisinin başa çatması nəzərdə tutulan maye qaz qəbulu terminalına daxil olacaq 10 milyard kub metr həcmdən söhbət getdiyi bildirilib. -12D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz