![Mətbuat-monitorinq 14.03.15](https://turan.az/resized/750/500/resize/media/2015/main/031400109737.jpg)
Mətbuat-monitorinq 14.03.15
Rəsmi qəzetlər dövlət başçısı İlham Əliyevin AŞPA siyasi işlər və demokratiya komitəsinin məruzəçisini qəbul etməsi haqda məlumatları, bəzi qanunlara dəyişikliklərlə bağlı rəsmi sənədlərin mətnlərini, habelə Bərdə şəhərində 56 mənzilin təmiri və Yeni Daşkənd-Umudalılar kəndlərarası avtomobil yolunun yenidən qurulması ilə bağlı 5 milyon manat vəsait ayrılması haqda sərəncamın mətnini də ilk səhifədə yerləşdiriblər.
Bu qəzetlər ölkədə insan haqları ilə bağlı ağır duruma görə rəsmi Bakını tənqid edən beynəlxalq qurumları və ölkə müxalifətini “antiazərbaycançı şəbəkə və “5-ci kolon” təhqirinə məruz qoyan məqalə dərc edib.
“Azadlıq” qəzeti Milli Şuranın martın 15-də “Talana son” şüarı ilə mitinq keçirəcəyini xatırladır və vətəndaşları aksiyaya biganə qalmamağa çağırır.
Bakı şəhər polisinin rəis müavini Səhlab Bağırovun mitinqlə bağlı təşkilatçılara xəbərdarlıq ediləcəyi açıqlaması sosial şəbəkələrdə kütləvi tənqidə tutulub.
Dövlət başçısının köməkçisi Əli Həsənovun ölkədə söz azadlığı olması açıqlamasına mediadan “jurnalistlərin təqib və həbslərinin jurnalist fəaliyyətlərilə bağlı olması” cavabları verilib.
Məhkəmə qərarları olmasına baxmadan şəhid ailələrinə sığorta pullarının ödənilməməsi haqa maliyyə nazirinin göstərişini qəzet “nazirdən məhkəmə qərarına hörmətsizlik” kimi dəyərləndirir.
Şallaqxanaların ləğvi və əvəzində ət kombinatları yaradılması prosesini qəzet ekspertlərə isnadən ət satışının inhisara alınması adlandırır.
Fransanın nüfuzlu “Le Monde” qəzeti rəsmi Bakının Avropa Oyunlarına 8 milyard xərclədiyini, amma ölkədə həkimin, müəllimin maaşının 150-200 dollar olduğunu yazır.
“Ekspress” qəzeti Kazan şəhərində azərbaycanlı biznesə məxsus “Admiral” ticarət mərkəzinin yandırılması nəticəsində ölənlərin sayının 15 nəfərə çatmasını önə çəkib.
Qəzet Avropa Oyunları ilə bağlı bu il orta məktəblərdə dərslərin mayın 15-nə kimi tamamlanması barədə məktəblərə xəbərdarlıq edildiyini nəzərə çatdırır.
Qəzetə görə, Novruz bayramı öncəsi ölkə bazarlarında ət, toyuq satışında 1-2 manat arası bahalaşma odluğu nəzərə çarpır.
“Bizim yol” qəzeti Maliyyə Nazirliyinin apardığı yoxlama nəticəsində 6 milyon manatlıq yeyinti aşkarlanmasını, 14 rayon icra hakimiyyətində 700-dən çox ştatın ixtisara düşməsini ilk plana çıxarıb.
“Sevil massivi” MTK-nın mənzil tikintisi adı ilə aldatığı vətəndaşlara ödədikləri 40-50 min manat məbləğin ancaq 5 min manatının qaytarılması ciddi narazılığa səbəb olub.
Dövlət başçısı İlham Əliyevin qudası, Rusiyada fəaliyyət göstərən iş adamı Araz Ağalarov bir layihədə 3 milyard rubl itirdiyini bildirərək, “biz iş adamları indi hər şeydən qorxuruq” bəyanatı səsləndirib.
“Yeni Müsavat” qəzeti total vergi yığımı nəticəsində büdcə dolsa da, sahibkarların narazılığının artmasını, iş yerlərini bağlamasını, rəsmi Bakının iqtisadi sektorda ciddi dəyişikliklər olacağı vədini ilk səhifəyə çıxarıb.
Qəzet Kremlin “Avrasiya İttifaqı” yaradılması səylərini milli orduya, dövlət atributlarına təhlükə sayaraq XX əsrdə bu yolun bir dəfə keçildiyini xatırladır.
QHT-lərə Dəstək Şurası 2015-ci ilin ilk yarısı üçün müsabiqədə 387 layihənin qalib gəldiyini elan edib.
Qəzet siyasi məhbus məsələsi üzrə Birgə İşçi Qrupa isnadən martın 19-da növbəti əfv fərmanı olacağını nəzərə çatdırır.
Manatın ucuzlaşması ilə ölkədə bahalaşmanı inzibati yolla dayandırmağın mümkünsüzlüyü şərhi verən ekspertlər bahalaşmanın davam edəcəyini deyiblər.
-
- Dünyada
- 14 Mart 2015 12:59
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz