Misirdə yeni inzibati paytaxt istəyirlər

Misirdə rəsmi olaraq Qahirədən şərqdə inzibati paytaxtın salınması planları elan edilib. Burada əsasən dövlət müəssisələri və diplomatik nümayəndəliklər yerləşəcək.

365news.biz-in məlumatına görə, inşaata 12 il və 65,33 mlrd. dollar ayrılır. Hələlik isə hakimiyyətin planlarında yalnız işin layihələşdirilməsi var – şəhərin adı hələlik sirr olaraq saxlanılan məşhur developerlə işlənib hazırlanması üzrə müqavilə imzalamaq nəzərdə tutulur.

Yeni paytaxt haqqında ilk söhbətlər yayıldıqda məsləhət şurasının rəhbəri bildirib ki, Misirin belə bir şəhərə ehtiyacı var. Həmin vaxt ictimaiyyət bu xəbəri mənfi qarşıladı, belə ki, ölkənin iqtisadi vəziyyəti o qədər də yaxşı deyildi. Amma obyektləri BƏƏ-nin tikdiyini öyrəndikdən sonra insanlar sakitləşdilər, xəbəri planeta-turizm.com yayıb.

Turan agentliyinin məlumatına görə, sözügedən developer Burc-Xəlif göydələninin developeri, məşhur investor Muhammed Əli Əlabbar, ən məşhur layihələrindən biri Mall of the Emirates (daxilində dağ-xizək yolu təchiz edilmiş böyük ticarət binasıdır) developer, milyarder Məcid Əl Futtaim, habelə göydələnlərin həvəskarı Xələf əl Xabtura ola bilər. Onlar hamısı BƏƏ-dəndir.

Misirin investisiya naziri Əşrəf Salman iddia edir ki, ölkənin inzibati mərkəzinin tikintisi ilə bağlı yekun qərar məmurlar, layihəçilər, inşaatçılar və layihənin həyata keçirilməsində maraqlı olan digər şəxslərin konfransında qəbul ediləcək. Konfrans Şarm-aş-Şeyx dövlət müəssisələrindən birində keçiriləcək, deyə 365news.biz qeyd edir.

Həlledici iclasın tarixi 2015-ci ilin mart ayıdır. Yeni şəhərə hələlik ad düşünməyiblər – bu, bir çox insanın ağlını məşğul edir. Gələcək yaşayış məntəqəsi üçün ən az 28 min ha torpaq sahəsi nəzərdə tutulur. Şəhər bütün mühüm dövlət müəssisələrinin mərkəzi olacaq.

Təbii ki, şəhərdə yaşayış, sənaye obyektləri, mağazalar və Misirin həyatında baş rolu oynayacaq kiçik şəhərin digər atributları da olacaq. İş adamları və hökumət üzvləri əmindirlər ki, yeni paytaxt Misirin yerli daşınmaz əmlak obyektləri bazarının bərpasına təkan verəcək.

Misir hakimiyyəti turistlər üçün maksimum rahat şərait yaratmağı vəd edir. Ola bilər ki, Qahirədən bəzi artefaktlar yeni paytaxta gətirilsin, deyə planeta-turizma.com bildirir. -0-