Mətbuat-Monitorinq 16.07.13

Rəsmi və iqtidaryönlü qəzetlər dövlət başçısı İlham Əliyevin Astara rayonunun sosial inkişaf üçün 3 milyon 300 min manat vəsait ayırması haqda sərəncamının mətnini dərc ediblər. 

Bundan əlavə, bu qəzetlər ölkənin protest elektoratını ətrafında birləşdirən Milli Şuranın dağılmaqda olması, ölkəyə xəyanət etməsi və s. kimi iftralar yayırlar. 

“Azadlıq” qəzeti keçmiş deputat Gültəkin Hacıbəyliyə qarşı istifadə edilən Mehdiyevlər ailəsinin bir üzvünin insan alverinə görə saxlanması mövzusunu manjetə çıxarıb. 

Siyasi məhbuslar həbsdə “Azadlıq” qəzeti ala bimədiklərini bildirirlər. Penitensiar Xidmət isə bunu təkzib edir. 

Bir sıra  millət vəkili keçmiş deputat Gültəkin Hacıbəyliyə qarşı məhkəmə qərarlarını pisləyərək onları “qanunsuz və sifarişli” adlandırıblar. 

Ölkə hüquqşünasları ölkədə vəkil çatışmazlığının arxasında birmənalı olaraq siyasi motivlərin durduğunu bəyan ediblər. 

Bu ilin ötən 6 ayı ərzində ölkəyə 48 min avtomobil gətirilib. 

ARDNŞ İraqın şimalında, əsasən kürdlərin cəmləşdiyi şərti “Şimali İraq” zonasına sərmayə yatırımına başlayır. 

“Zerkalo” polisin 3 gənc siyasi fəalı saxlamasının əsassız olduğunu bildirir və bunu polisin “ora-bura gəzdikləri üçün saxlamışıq” arqumenti ilə “əsaslandırır”.

“Ekspress” Azərbaycana qonşu Türkiyə və Rusiyada “qızılca” xəstəliyinin tüğyan etdiyini yazır. Bununla bağlı Səhiyyə Nazirliyi ehtiyatlı olmaq barədə xəbərdarlıq edib. 

“Exo”. Azərbaycanda avtomobillərin bahalığı üzündən ölkənin avtomobil parkının 80%-ni kreditə götürülən maşınlar təşkil edir. 

Qəzetin yazdığına görə, Heydər Əliyev adına Mərkəz ilin “ən yaxşı arxitektura tikintisi” adına iddia edir. 

“Novoe Vremya” deputat Elxan Süleymanovun “Azərbaycanın adının seçki müşahidəsı siyahısı”ndan çıxarılması haqda yalan bəyanatına “politoloq və ya analitik olmaya bilərsən, amma hökmən vicdanlı olmalısan” cavabını verib.

“Bizim yol” qəzeti vətəndaşları SOCAR-a işə düzəldəcəyi adı ilə külli miqdarda pul toplayan ARDNŞ əməkdaşının həbsə alınmasını önə çəkib. 

“Yeni Müsavat” deputat Mehriban Əliyevanın namizədliyinin irəli sürülməsinin Azərbaycanın vergilər və kənd təssrrüfatı nazirlərindən gəldiyini iddia edərək bunu “iki nazirin adı müdhiş ssenaridə” kimi şərh edib. 

Azərbaycanın tanınmış siyasətçilərindən Pənah Hüseyn Milli Şuranın sədri Rüstəm İbrahimbəyovun seçkilərdə iştirakının Rusiya prezidentindən asılı hala düşdüyünü nəzərə çatdırıb. 

Qəzet 3 gənc siyasi fəalın inzibati cəza almasını “rəsmi Bakının gənclərə qarşı repressiyasının davam etməsi” adlandırır. 

Gəncə polisi keçmiş daxili işlər naziri İsgəndər Həmidovun qardaşı Zakir Məmmədovun il mərasiminin keçirilməsinə imkan verməyərək səbəb göstərmədən çadırı söküb. 

Bakının Cavid prospektindəki “şüşəli bazar”ın yerində “Xəzərdənizgəmiçilik” müəssisəsinin rəhbəri Aydın Bəşirovun ticarət mərkəzi tikldirməsi bəlli olub.