Xalq Cəbhəsi, Müsavat, Vətəndaş Həmrəyliyi partiyalarının Naxçıvan təşkilatları və “Demokratiya və QHT-nın İnkişafı” Resurs Mərkəzi bu günlərdə fövqəladə yığıncaq keçiriblər.
Yığıncaqda Naxçıvanda ictimai-siyasi durum müzakirə olunaraq demokratik qüvvələrlə sıx əməkdaşlıq perespektivləri nəzərdən keçirilib.
Demokratik Qüvvələrin Milli Şurasına və prezidenliyə vahid namizəd Rüstəm İbrahimbəyova qarşı rəsmi Bakının qarayaxma, şər və böhtan kampaniyası kəskin tənqid olunub. Milli Şuraya dəstək və həmrəylik məqsədilə Naxçıvanın demokratik qüvvələrinin Milli Şurada təmsilçilik məsələsi də müzakirə olunub.
Naxçıvanda demokratik qüvvələrin fəaliyyətini gücləndirmək və prezident seçkilərində Milli Şura ilə vahid mövqedən çıxış etmək məqsədilə toplantı iştirakçıları Həsən Şıxəliyevin Milli Şurada təmsilçiliyini məqsədəuyğun sayıblar. MŞ-yə təmsilçiliklə bağlı müraciət qəbul edilib və bölgədə regional şöbəsinin yaradılması perespektivləri müzakirə olunub.-05D-
Siyasət
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
-
Azərbaycandakı diplomatik missiyanı başa vuran ABŞ səfiri Mark Libbi yekun çıxış edib. Səfirliyin Facebook səhifəsində dərc olunan çıxışda deyilir:
-
Yanvarın 18-də prezident İlham Əliyev Türkiyənin xarici işlər naziri Hakan Fidanı qəbul edib.
Rəy yaz