Rəsmi və hökumətyönlü qəzetlər dövlət başçısı İlham Əliyevin NATO baş katibinin müavinini, ATƏT-in Minsk Qrupu həmsədrlərini qəbul etməsini ilk səhifəyə çıxarıblar.
Bundan əlavə, bu qəzetlər aparıcı müxalifətin siyasi fəallığına cavab olaraq onları təhqir, böhtan və iftiraya məruz qoyan məqalələr dərc ediblər.
“Yeni Azərbaycan” qəzeti isə müxalif liderlərin ABŞ-ın Azərbaycan səfirilə qapalı görüşünə cavab olaraq səfiri və görüş iştirakçılarını karikatur obrazda ictimaiyyətə təqdim edir.
“Azadlıq” qəzeti rəsmi Bakı ilə Kreml arasında gərginliyin yaşanmasını RF rəhbəri V.Putinin iyunda Bakıda keçiriləcək tədbirə dəvətə “yox” deməsilə nəzərə çatdırır.
Qəzet ictimaiyyətə rəsmi Bakının həbs, işgəncə ilə susdura bilmədiyi qəzeti yükcək cərimələrlə susdurmaq istədiyini bildirərək xalqdan dəstək istəyir.
Dövlət başçısı İlham Əliyevi təriflədiyinə görə Almaniya qəzetləri keçmiş xarici işlər naziri Genşeri iki həftədir ki, amansız tənqidə məruz qoyur.
Hüquq müdafiəçisi Leyla Yunus Fransanın Fəxri Legion Kavaler ordenilə təltif edilməsini “demokratik düşərgəyə dəstək” kimi dəyərləndirib.
Gənc siyasi fəal Rəsul Mürsəlov saxlandığı 14 saylı həbsxanada zorakılığa məruz qalıb, həbsxana rəhbərliyi zorakılıq edən şəxsin “kars”a salndığını deyib.
“Zerkalo” rəsmi Bakının bütün çimərliklərə girişin pulsuz olduğunu bəyan etdiyini, gerçəkdə isə durumun fərqli olduğunu yazaraq rəsmilərə “çimərlik mövsümü yaxındadır” xəbərdarlığını edir.
“Exo” ekspertlərə istinadən yaxın zamanda 6 və ya 10 bankın büdcəsiz bank kredit qurumuna dönəcəyini, ölkə banklarının 20%-nin öz nizamnamə kapitalını 50 milyon manata çatdırmamasını ilk plana çıxarıb.
“Novoe Vremya” insan haqlarının ağır durumuna görə beynəlxalq qurumların tənqidlərini rəsmi Bakının inkar etməsinə “tənqidə süngü ilə ... sağ olsun ki, dəyənəklə deyil” ironiyası ilə cavab verib.
“Bizim yol” qanunsuz həbslərə etiraz olaraq 1 iyunda keçirilməsi nəzərdə tutulan aksiyaya hazırlıqların ciddiləşdiyini nəzərə çatdırır.
YAP-çı deputat Eldar İbrahimov Azərbaycan ədəbiyyatşünası Xalidə Xalidin və sürücüsünün İranda həbsə alınmalarına “alim gedib İranda qanunu pozursa, həbs edilməlidir” cavabını verib.
“Yeni Müsavat” həbsdə olan keçmiş nazirlər Əli İnsanov və Fərhad Əliyevin azad olunması üçün xüsusi fərman hazırlanmasını ilk səhifəyə çıxarıb.
Dövlət Sərhəd Xidməti “General da ev uçurur” adlı məqaləyə görə qəzeti məhkəməyə verib və 50 min manat təzminat tələb edir.
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Rəy yaz