![Haşimi Rəfsəncani: Amerika Senatı Azərbaycanı, eləcə də Sistan və Bəluçistanı İrandan ayırmaq istəyir](https://turan.az/resized/750/500/resize/media/2013/main/052300037365.jpg)
Haşimi Rəfsəncani: Amerika Senatı Azərbaycanı, eləcə də Sistan və Bəluçistanı İrandan ayırmaq istəyir
İran İslam Respublikası Məsləhət Şurasının başqanı, sabiq prezident və qarşıdan gələn prezident seçkilərində namizədliyini irəli sürən, ancaq Nəzarət Şurası tərəfindən rədd edilən Ayətullah Əkbər Haşimi Rəfsəncani ABŞ Senatının Azərbaycan, habelə Sistan və Bəluçistan vilayətlərini İrandan ayırmaq istədiyini qeyd edib.
Amerikanın Səsinin məlumatına görə, Haşimi Rəfsəncani bu sözləri namizədliyinin Nəzarət Şurası tərəfindən rədd edilməsindən sonra seçki kampaniyası üzvləri ilə keçirdiyi toplantıda söyləyib.
Milli Etimad Partiyasının mətbuat orqanı olan Səham News veb səhifəsinin yazdığına görə, Rəfsəncani İran İslam Respublikasının üzləşdiyi iqtisadi və siyasi böhran və xalqın geniş tələbini nəzərə alaraq namizədliyini irəli sürdüyünü bildirib.
“Amerika Senatının İranla bağlı iki təhlükəli planı var. Seçkilərin durumu bəlli olduqdan sonra bu xüsusda aktiv fəaliyyətə başlayacaqlar. Azərbaycan, eləcə də Sistan və Bəluçistanı İrandan ayırmaq istəyirlər. Sonra İsrail İrana hücum etsə, ona hərbi dəstək verəcəklər. Bəlkə də bu bir psixoloji savaşdır, ancaq alimlər demişkən, hər bir ehtimal insanın üzərinə bir vəzifə gətirir”, deyə İran İslam Respublikasının təsisçilərindən olan məşhur siyasətçi ölkənin xarici təhlükələrlə qarşı-qarşıya olduğunu vurğulayıb.
İranın sabiq prezidentinin bu bəyanatlarının Konqresmen Dana Rohrabakerin ötən il Nümayəndələr Palatasına təqdim etdiyi qətnamələr ilə əlaqəli olduğu güman edilir. Cənab Rohrabaker ABŞ dövlətini İranda yaşayan Azərbaycan türkləri və bəluçların öz müqəddəratını təyinetmə haqqını müdafiə etməyə çağırıb. -03D-
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
Rəy yaz