Mətbuat-Monitorinq 25.10.13

Rəsmi və iqtidaryönlü qəzetlər dövlət başçısının təhsilin inkişafı üzrə dövlət strategiyası haqda imzaladığı sərəncam, dövlət qulluğunda vakant yerləri tutmaq üçün komissiyanın elan etdiyi müsabiqə haqda yazırlar. 

Qarabağın azad olunmasını “prioritet” sayan beynəlxalq qurumları Qarabağ probleminə münasibətdə “ikili standart”larda ittiham edən bu qəzetlər  Avropa Parlamentinin Ermənstandan işğal etdiyi Azərbaycan torpaqlarından çıxmasını tələb edən qətnaməsini dərc etməyiblər. Təkcə ona görə ki, elə həmin qətnamədə Avropa Parlamenti Azərbaycanda prezident seçkilərinin nəticələrini tanımadığını bəyan edib. 

“Azadlıq” qəzeti Azərbaycandakı prezident seçkilərinin nəticələrinə münasibət məsələsini diqqətdə saxlayır. 

Müxalifət qüvvələrinin Milli Şurası sessiyasında hakimiyyətin qəsb olunduğu, seçkilərin nəticələrini tanımadığı haqda bəyanat qəbul edib. 

Qərb ölkələrinin seçkilərin nəticələrini tanımamasının rəsmi Bakıda isterika yaratdığını iddia edir. 

ABŞ-ın ATƏT-dəki missiyası Azərbaycanda prezident seçkilərinə müsbət qiymət verən müşahidəçilərdən Avropa Şurası baş kaitbinə şikayət edib. 

Azərbaycandakı prezident seçkilərinin AŞPA Daimi Şurasının noyabrın 22-də Vyana toplantısında müzakirəyə çıxarılması gözlənilir. 

Avropa Parlamentinin Azərbaycanda prezident seçkilərinin nəticlərini tanımamasına səbəb kimi iqtidarın repressiya siyasəti və seçkilərin nəticələrinin saxtalaşdırması göstərilir. 

MTN kimi ordunun da rəhbərliyinə polisdən olan kadrın gətirilməsini müxalif siyasətçilər “İlham Əliyevin MTN-dən sonra Müdafiə Nazirliyini də “polisləşdirməsi” kimi dəyərləndirirlər. 

“Zerkalo”  Ermənistandan işğal etdiyi Azərbaycan torpaqlarından çıxmasını tələb etməsinə baxmayaraq,

Azərbaycanda prezident seçkilərinin nəticələrini tanımadığına görə rəsmi Bakı Avropa Parlamentinin işində iştirakdan imtina edib. Qəzet rəsmi Bakının bu siyasi münasibətinə “Ermənistandan işğal etdikləri torpaqlardan çıxmasını tələb edən Avroparlament rədd olsun!” ironiyası ifadə edir. 

Müxalifət qüvvələrinin Milli Şurasının sessiyasında  9 nəfərin qurumdan çıxmasını “Milli Şuranın kəmiyyət itkiləri” adlandıran qəzet prezidentliyə namizəd Cəmil Həsənlinin bu duruma “narahatlığa əsas yoxdur” nikbinliyini önə verir. 

“Ekspress” Avropa Parlamentinin bəyanatında Ermənistanı işğalçı sayması ilə bağlı  hissəni ilk səhifəyə çıxarıb. 

Azərbaycanda prezident seçkilərinin nəticələrilə bağlı Avropa Parlamentinin öz missiyasına yox, seçkilərin saxtakarlıqla keçirildiyini bəyan edən ATƏT/DTİNB-nin mövqeyinə istinad  etməsi rəsmi Bakının “təəccübü”nə səbəb olub.  

“Exo”  Avropa Parlamentinin prezident seçkilərinin nəticələrinə görə Azərbaycanı ittiham etsə də “Qarabağ məsələsi”ndə isə dəstəkləməsinə baxmayaraq rəsmi Bakının Avronestdə fəaliyyətini dayandırmasını önə çəkib.

“Novoe Vremya”  Azərbaycanda prezident seçkilərinin nəticələrinə beynəlxalq qurumların mənfi rəylərinə rəsmi Bakının diş qıcımasını “iqtidarın reallıqla əlaqəsini itirməsi” kimi dəyərləndirir. 

“Bizim yol”  Azərbaycanda prezident seçkilərinin nəticələrini tanımadığna görə ölkən Avronestdə  fəaliyyətini dayandırmasını ilk plana çıxarıb. 

Avropa Parlamenti insan haqları və siyasi azadlıqlar problemi olan ölkələrə heç bir güzəşt olmayacağını bəyan edir. 

Ekspertlər Neft Fondunun aktivlərdən əldə etdiyi gəlirlərin 30% azaldığını bildirirlər. 

“Yeni Müsavat” müdafiə naziri Səfər Əbiyevin postundan azad edilməsi məsələsini öndə saxlayaraq buna səbəb kimi nazirin gizli bank hesablarını göstərir.  

Qəzet müxalifət qüvvələrinin Milli Şurasının dünənki sessiyasını “perspektiv fəaliyyətin konturlarının hazırlanması” kimi dəyərləndirib.

Seçkinin başa çatmasına baxmayaraq rayonlardaMilli Şura müşahidəçilərini qeyri-rəsmi polisə çağırırlar. 

Avropa Parlamentinin Azərbaycanda prezident seçkilərinin nəticələrini tanımamasını ekspertlər “prezidentliyə namizəd Cəmil Həsənlinin Avropa görüşlərinin nəticəsini verməsi” kimi dəyərləndiriblər. 

Avropa Parlamentinin prezident seçkilərinin nəticələrini tanımamasına cavab olaraq iqtidarın Avronestdə iştirakdan imtina etməsini qəzet “rəsmi Bakının Avropa ilə açıq savaşa girməsi” adlandırır.