Rəsmi qəzetlər dövlət başçısı İlham Əliyevin bəzi dövlət başçılarına təbriklərinin, eləcə də baş nazirin müavini İsmət Abbasovun “Şöhrət” ordenilə təltif olunması haqda sərəncamının mətnlərini ilk səhifələrə yerləşdiriblər.
“Azadlıq” qəzeti rəsmi Bakının keçmiş müdafiə naziri Səfər Əbiyevin biznesini əlindən alaraq onu çökdürməsi iddiasını ilk səhifəyə çıxarıb.
Mayın 25-də axşam saatlarında Biri polis, 3 mülki geyimli olmaqla 4 nəfər Milli Şuranın sədr aparatının üzvü Yeganə Hacıyevanın evinə gələrək Niyaməddin adlı “yeznə”nin kimlərəsə külli miqdarda pul atması ilə bağlı bu adamla maraqlanıblar, Y.Hacıyeva bunu fəaliyyətilə bağlı təzyiqə məruz qoyulması adlandırıb.
Xaçmazda 10-cu sinif şagirdləri olan Vasif Quliyev və Nərgiz Tağıyeva intihar ediblər, V.Quliyev Xaçmaz rayon polis şöbəsinin zabiti Yaşar Quliyevin oğludur.
Qəzetin iddiasına görə, Bakının “sovetski” məhəlləsində kv.metrinə 1500 manat verilərək sökülən evlərin ərazisi özəl şirkətlərə 4 min manata satılır.
“İnter+” MMC taksi xidməti şirkəti Beynəlxalq banka 6 milyon borcunu ödəyə bilmədiyi üçün bağlanmaq və 40 nəfər qədər insanın ışsiz qalacağı təhlükəsi önündədir.
Vətəndaş cəmiyyəti institutlarının təmsilçiləri rəsmi Bakının Ukraynada prezident seçkilərinə müşahidəçi göndərməməsini “Rusiya ilə həmrəylik nümayiş etdirməsi” kimi dəyərləndiriblər.
ASPA deputatı Michael Mc.Namara Azərbaycanda siyasi məhbus mövcudluğunu insan haqlarının pozulmasının göstəricisi” adlandırıb.
“Yeni Müsavat” Ukraynada preizdent seçlkilərinin baş tutmasını önə çəkərək buna RF prezidenti “Putinin “B planı”nın fiaskoya uğraması” adlandırır.
Qəzet Nəqliyyat Nazirliyinin Nəqliyyat Departamenti əməkdaşlarının sürücü Fədail Atakişiyevi vəhşicəsinə döyüklərini və iplə boğmaq istədiklərini nəzərə çatdırır.
Hüquq müdafiəçilərinə istinad edən qəzet mayın 27-də əfv fərmanının imzalana biləcyini yazır.
Politoloqlar rəsmi Bakının Rusiyanın balanslı siyasətdən imtina etməsini Qərblə Rusiya arasında “Azərbaycan uğrunda savaşın başlaması” ilə izah edirlər.
Qəzetin yazdığına görə, ildə 1 milyon nəfər Azərbaycandan İrana müalicə məqsədilə gedir.
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz