Mətbuat-Monitorinq 26.07.13

Rəsmi və iqtidaryönlü qəzetlər dövlət başçısı İlham Əliyevin Qala nkəndinə gedən yolun açılışında və iftar məclisində itirakı  haqda yazırlar. Bu qəzetlər dövlət başçısının Bakı şəhər Səbayel rayonunun sosial inkişafı üçün 2 milyon manat vəsaitin ayrılması haqda sərəncamının mətnini dərc ediblər. 

“Azadlıq” qəzeti qarşıdakı prezident seçkilərində Milli Şuranın vahid namizədi Rüstəm İbrahimbəyovun siyasi imicmeykerlərinin ABŞ və RF mütəxəssisləri olduğunu nəzərə çatdırır. 

“Azad Avropa” radiosu rəmsi Bakının jurnalistlərə ev paylaması haqda məqaləni oxuculara “xeyriyyəçilik, yoxsa rüşvət?” adı ilə təqdim etib. 

Milli Şuranın sədri və prezidentliyə vahid namizədi Rüstəm İbrahimbəyov Azərbaycandakı durumu “ölkənin 5-6 nəfər arasında bölüşdürülməsi” kimi dəyərləndirib. 

Ölkənin müxalif siyasiləri “Azərbaycanda Əliyevlər və Paşayevlər dönəmi”nin  bitdiyini, qüvvələr nisbətinin müxalifətin xeyrinə dəyişdiyini iddia edirlər. 

RF-də yaşayan azərbaycanlı milyarder Söyün Sadıqov Diaspor Komitəsinin sədri Nazim İbrahimovu “Azərbaycan diasporunu parçalamaqda” ittiham edib. 

Milli Şuranın icra aparatının rəhbəri Eldar Namazov “hava limanında Rüstəm İbrahimbəyova qanunsuzluq baş verərsə insan axınının qarşısını almağın çətin olacağı” barədə bəyanat verib.

“Zerkalo” İslam Partiyasının Azərbaycanda seçkilərə öz namizədilə qatılacağını, artıq seçki qərargahının yaradılmasına başlandığını bildirir.   

“Ekspress” Azərbaycan Təhisl Nazirlyinin İran attestat və diplomlarının Azərbaycanda tanınmamasını nəzərə çatdırdığını bildirib. 

Bir neçə gün öncə Bakıda avtobusda qətl törədən şəxsin ruhi xəstə, həm də Mərkəzu Bankın əməkdaşı olduğu məlum olub.  

“Novoe Vremya”  qarşıdakı  prezident seçkilərini “şouya çevrilməyə məhkum olunmuş seçkilər” kimi cəmiyyətə təqdim edir. 

Paytaxta bina və mənzillərin söküntüsü ilə bağlı sakinlərin polislə yaşadğı qarşıdurmaları qəzet “sosial protestləri iqtidarın özünün yaratması” adlandırır. 

“Bizim yol”  keçmiş rektor Elşad Abdullayevin keçmiş təhsil naziri Misir Mərdanova yarım milyon rüşvət təklifini ön səhifəyə çıxarıb. 

RF prezidenti Putinin Bakıya gözlənilən səfərinə politoloq Zərdüşt Əlizadə “Putinin rəsmi Bakıya dəstək olacağı” şərhini verib.

“Yeni Müsavat” nəqliyyat naziri Ziya Məmmədovun onunla düşmənçilik edən rəqiblərinə dair məlumatları dövlət başçısına verməsini ilk səhifəyə çıxarıb.

RF prezidenti Putinin Bakıya səfərinin təsdiqləndiyini yazan qəzet bunu iqtidarın “Rusiya ilə əlaqələri düzəltməyə çalışması” kimi dəyərləndirir.