Azərbaycan Milli Azadlıq Cəbhəsi və Dünya Azərbaycanlıları Əlaqələndirmə Şurasının Bakı ofisi alınıb
İyulun 15-də Güney Azərbaycan Milli Azadlıq Cəbhəsi və Dünya Azərbaycanlıları Əlaqələndirmə Şurası Bakıdakı ofisindən çıxarılıb. Azərbaycan Milli Elmlər Akademiyasının (GAMAC) balansında olan ofis İstiqlaliyyət küçəsi 8-də yerləşirdi.
GAMAC-ın başqanı Qulamrza Səbri Təbrizi Turan-a bildirib ki, AMEA sadəcə binanın onlara lazım olduğunu bəhanə gətirib.
“Bu ofisi 2001-ci ildə bizə mərhum prezident Heydər Əliyev vermişdi. O özü də Dünya Azərbaycanlıları Əlaqələndirmə Şurasının sədri idi. Ofis İranın təkidi ilə əlimizdən alınıb”, - o qeyd edib.
Qulamrza Səbri Təbrizi ofisin alınmasının Prezident Administrasiyasının rəhbəri Ramiz Mehdiyevin İrana səfərindən sonraya təsadüf etdiyini bildirib. “Çox güman ki, İran rəhbərliyi məsələni qaldırıb”, - o bildirib.
Xatırladaq ki, bu il martın 30-da Güney Azərbaycan Milli Azadlıq Cəbhəsinin təşəbbüsü ilə Bakıda “Çağdaş Güney Azərbaycanın sabahı” mövzusunda keçirilən konfrans İran rəsmiləri tərəfindən kəskin tənqidlərlə qarşılanıb.
GAMAC-ın əsas strategiyası “İran dövlətinin siyasi gələcəyi yoxdur!”, “Güney Azərbaycan İran deyil!” şüarlarıdır.
Konfransda İranın nüvə proqramı, Amerika və Avropanın orta şərq strategiyasına qarşı İranın fəaliyyəti, beynəlxalq terrorizmin dəstəklənməsində İranın rolu, Güney Azərbaycanda milli azadlıq hərəkatının İranın daxili siyasi proseslərə təsirləri də diqqət mərkəzində olub. -03B- .
Siyasət
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
Rəy yaz