![Mətin Mehdiyevin qatilləri həbs edilib](https://turan.az/resized/media/2012/main/073000006419-750-500-resize.webp)
Mətin Mehdiyevin qatilləri həbs edilib
Moskvada Azərbaycanlı müsəlman fəal Mətin Mehdiyevin qətlində şübhəli bilinən üç nəfər saxlanılıb, bu barədə “İnterfaks” Moskva üzrə Baş İstintaq İdarəsinə istinadla xəbər yayıb.
Şübhəli şəxslər - 28 yaşlı Orenburq sakini Vitali Kalinin, 26 yaşlı Tomski sakini Nikolay Yermakov və 26 yaşlı Qazaxıstanlı Aleksandr Savelyev dünən həbs ediliblər.
İstintaq hesab edir ki, cinayət milli zəmində deyil, qazanc məqsədilə törədilib.
“Cinayətkarlar zərərçəkmişin Vertu mobil telefonunu, içərisində pul olan portmonesini və kirayə tutduğu mənzilin açarlarını oğurlayıblar”, deyə İK nümayəndəsi Viktoriya Tsıplenkova bildirib.
* Mehdiyev aprelin 10-a keçən gecə Moskvada qətlə yetirilib. Cinayətkarlar onun boynundan bıçaqla vurublar və üzünü eybəcər hala salıblar. Azərbaycan vətəndaşının qətli milli diasporlar arasında böyük rezonans doğurub. Mir (Sülh) prospektində sökülmüş məscid ərazisində Mehdiyevlə vidalaşma zamanı gələnlərin sayı çox olduğu üçün yolda hərəkət dayanmışdı. Fəalın milli zəmində öldürülməsi ehtimalı səslənib. Vaxtilə Mehdiyev Rusiyada İslam Mədəniyyət Mərkəzinin beynəlxalq şöbəsinə rəhbərlik edib. -02D-
-
- Söz istəyirəm
- 30 İyul 2012 15:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz