Rüstəm İbrahimbəyova

Salam, Bakı qalası, mənim Mədinəm, Məkkəm,

Dolanbac dalanların boyanıb boz-gümüşü.

Burda dastan yaradır İbrahimbəyov Rüstəm.

Başı üstdən asılıb səhranın ağ günəşi.

O, bir dəliqanlıdır, toxdaq görünür üzdən.

İçdikcə, süfrəsi tək, açılacaq ürəyi.

Azərbaycan balası söz götürməz heç kəsdən

Azərbaycanlıların daşdan çıxır çörəyi.

Azğın məmurlar Onu, qoyurlar işdən-gücdən,

Toz-torpaqlı küləklər qapı-bacanı döyür.

“Qulliver nələr çəkir liliputlar içində?”–

Soruşuram: O dinmir, susaraq, gülümsəyir.

Liliputlar iş üstə, bir ucdan soyhasoydu

Dırmaşırlar “yuxarı”, yeriyirlər “irəli”.

Rusiyanın sevgisi, Azərbaycanın adı,

Onu elə ucaldıb, pisliyin çatmaz əli.

Ayrılıb gedəndə mən, üzülürəm qüssədən,

Deyirəm: “Sənlə qalır, sevgi dolu ürəyim”.

Azərbaycan balası söz götürməz heç kəsdən,

Azərbaycanlıların daşdan çıxır çörəyi.

                                                          2012-ci il.

Aleksandr Qorodnitski 1933-cü ildə Leninqradda doğulub. Şairdir, Bulat Okucava, Aleksandr Qaliç, Vladimir Vısotski, Yuri Vizbor kimi azman sənətkarlarla bir sırada, bard kimi (şeirlərini özü qoşduğu müsiqi üstdə oxumaq) fəaliyyət göstərmişdir. Əllidən artıq musiqi plastinkaları, 23 şeir kitabı çıxmışdır.

1971-ci ildən başlayaraq bugünə kimi, dünyada ən böyük–Valeri Qruşin adına bard festivalında jürinin sədridir.

Qrodnitski–adlı-sanlı geofizik, professor, Rusiya Federasiyasının əməkdar elm xadimi, Rusiya Təbiət Elmləri akademiyasının akademikidir. Onun şeirləri, mahnıları dünyanın çoxsaylı dillərinə çevrilmiş, dərsliklərə salınmışdır.

Rus dilindən Araz Gündüz çevirib.