Qırmızı Xaç Komitəsi Azərbaycan hərbi əsiri ilə bağlı məlumatı şərh etmir
İyulun 26-da erməni əsirliyinə düşmüş Azərbaycan əsgəri Firuz Fərəcovun taleyi haqqında hələ də heç bir xəbər yoxdur.
Beynəlxalq Qırmızı Xaç Komitəsinin Bakı nümayəndəliyində BQXK-nin Yerevan ofislərinin ona baş çəkməsi barədə məlumat yoxdur.
Bakı ofisində QXK əməkdaşlarının Fərəcova nə vaxt baş çəkəcəkləri barədə də heç nə bilmirlər. Azərbaycan əsgərinin taleyi haqqında konkret xəbər olan kimi KİV-ə məlumat veriləcək, deyə Bakı ofisindən Turana bildiriblər.
Əsgərin doğmaları da hələlik KİV-ə müsahibə verməkdən yayınır. Onların sözlərinə görə, BQXK nümayəndələrinin tezliklə Fərəcova baş çəkəcəklərinə və ondan doğmaları üçün məktub alacaqlarına ümid edirlər.
Əsgərin doğmaları onun özünün erməni tərəfinə təslim olduğuna inanmır və onun əsir düşməsi ilə bağlı halların obyektiv araşdırılmasını gözləyirlər.
Bir müddət əvvəl əsgərin doğmaları Turana bildiriblər ki, iyulun 24-də Fərəcov atası ilə telefonla danışıb, heç nədən şikayət etməyib, hər şeyin qaydasında olduğun bildirib. Doğmaları həmin həftənin bazar günü əsgərə baş çəkməyi planlaşdırırdılar.
Fərəcov bu ilin aprelində orduya çağırılıb. Çağırışdan sonra əməliyyat olunub və iyulun əvvəllərindən hərbi hissəyə qayıdıb və demək olar ki, dərhal posta qoyulub. Fərəcov Ermənistanla sərhəddə, Tovuz rayonunun hərbi hissələrindən birində xidmət edirdi.
Ermənistan tərəfin iddiasına görə, əsgər özü “təslim olub”, Azərbaycan Müdafiə Nazirliyi isə əsgərin “yolunu azdığını” iddia edir. -06B-
-
- Cəmiyyət
- 30 İyul 2012 17:04
-
- İqtisadiyyat
- 30 İyul 2012 19:12
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz