Bakı/26.12.19/Turan: Yol hərəkəti qayda-qanunları bütün Azərbaycan vətəndaşlarına aiddir və vəzifəsindən və iş yerindən asılı olmayaraq, hamı tərəfindən onlara riayət olunmalıdır. Bu həqiqət hamıya məlumdur və ölkə Konstitusiyasında əksini tapıb. Mübahisəolunmaz müddəalar qanunverici orqan, xüsusən, hakimiyyət qollarından biri olan Milli Məclis tərəfindən pozulduqda vətəndaşlarda məntiqli sual yaranır - onlar qaydaları poza bilərsə, bizi niyə pozuntulara görə cəzalandırırlar?
Bakıda Milli Məclisə çıxan əsas pilləkənlərin qarşısında, avtobus dayanacağının yanında asfalt səkidə parlament əməkdaşları üçün şlaqbaum və yerdən çıxan avtomotik dirəklərlə pulsuz avtomobil dayanacağı təşkil edilib. Bu dayanacaqda MM-in aparat işçiləri və bəzi deputatlar öz bahalı və hətta çox bahalı avtomobillərini park edirlər. Səhər avtomobili oraya qoyan məmurlar pilləkənlərlə Milli Məclisə çıxırlar. Axşam saat 6-dan sonra dayanacaq boşalır.
Avtomobillər o qədər sıx şəkildə dayanır ki, arabalı əlillər və uşaqlı qadınlar, çox vaxt hətta digər piyadalar səkidən keçə bimir. Əyin-başlarını çirkləndirmək və maşını cızmaqla risk edərək, avtomobillərin arasından sıxışıb keçməli olurlar. Ya da həyatlarını riskə atıb Parlament prospektinin hərəkət hissəsinə düşməli olurlar.
Turan-ın sorğusuna cavabda Milli Məclisin mətbuat xidmətinin rəhbəri əvvəlcə orada MM işçilərinə aid olmayan avtomobillərin dayandığını bildirib. Daha sonra hər səhər burada park edilən avtomobillərin sahiblərinin pilləkənlərlə parlamentə çıxdığını müşahidə etdiyimizi izah etdikdə, mətbuat xidmətinin rəhbəri məsələni aydınlaşdırmaq üçün zaman istəyib.
Yarım saat sonra o, telefonda bildirib ki, dayanacaqda piyadalar üçün maneə yoxdur, amma MM məsələ ilə məşğul olacaq və tezliklə avtomobillərin səkidə park edilməməsi üçün lazım olan addımları atacaqlar. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz