Milli Məclis terrorçulara qarşı sanksiyaları sərtləşdirəcək
Milli Məclis terrorizmə sponsorluq edənlərə, muzdlulara, terrorçularla əlbir olanlara qarşı sanksiyanı sərtləşdirəcək.
Milli Məclisin Müdafiə və təhlükəsizlik komitəsinin iclasında Azərbaycan Cinayət Məcəlləsinə və “Terrorizmə qarşı mübarizə haqqında” qanuna əlavə və düzəlişlərin müzakirəsi zamanı sözügedən komitənin sədri Ziyafət Əsgərov bildirib ki, mövcud tədbirlər beynəlxalq cinayətkar qruplaşmalar tərəfindən artmaqda olan çağırışlara adekvat deyil.
Cinayət Məcəlləsinə düzəlişə görə, terrorizmin maliyyələşdirilməsində ittiham olunanlar 10 ildən 14 ilədək (sanksiyanın mövcud həddi 8-12 il), muzdlular 5 ildən 11 ilədək müddətə (hazırda 3-8 il) həbs olunurlar.
“Azərbaycan terrorizmə qarşı mübarizəyə dair 15 beynəlxalq konvensiya ratifikasiya edib, bir sıra qanunvericilik aktları qəbul edilib. Terrorizmə çağırışlar, terrorçuluq fəaliyyətinin maliyyələşdirilməsi və müxtəlif dövlətlərin vətəndaşlarının başqa ölkələrdə gedən müharibələrə cəlb olunması böyük problemə çevrilib, ölkənin milli maraqlarına ziyan vurur”, - Z.Əsgərov deyib.
CM-in 114-cü maddəyə (muzdluluq) muzdluların toplanması, təliminin təşkili və ya digər maliyyə yardımının göstərilməsi, həmçinin onlardan hərbi münaqişələrdə və əməliyyatlarda istifadəyə görə cəza 8 ildən 12 ilədək (mövcud sanksiya 4 ildən 8 ilədək) azadlıqdan məhrumetməni nəzərdə tutur. Sözügedən qanunazidd hərəkətlər vəzifəli şəxslər tərəfindən və ya həddi-büluğa çatmayanlara qarşı törədildikdə 9-15 ilədək (hazırda 8 ildən 15 ilədək) azadlıqdan məhrumetmə kimi təsdiqlənə bilər.
Terrorçuluqla məşğul olmağa (ictimai təhlükəsizliyin pozulması, əhali arasında çaxnaşma salmaq, dövlət hakimiyyət orqanlarının və ya beynəlxalq təşkilatların qəbul etdiyi qərarlara təsir göstərmək üçün adamları məhv etmək), ictimai təhlükəsizlik üçün qorxu olan partlayışların, yanğınların törədilməsinə görə cəza 10 ildən 12 ilədək (hazırda 8-12 il) azadlıqdan məhrumetməni nəzərdə tutacaq.
Düzəlişlər təqdir edilib və Milli Məclisin plenar iclasında baxılmaq üçün tövsiyə olunub.
Müşahidəçilərin fikrincə, terrorçuluğa və muzdluluğa görə cəza tədbirlərinin sərtləşdirilməsi Suriyaya döyüşə gedən Azərbaycan vətəndaşlarının sayının artması ilə bağlıdır.
Son aylar yüzlərlə Azərbaycan vətəndaşı Suriyaya gedərək Bəşər Əsədin əleyhdarlarının tərəfindən döyüşür. Suriyada 60-a yaxın azərbaycanlı həlak olub. —17D--
-
- Siyasət
- 7 Mart 2014 12:38
-
- Bazarların icmalı
- 7 Mart 2014 13:30
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz