Müsavat Partiyası rəsmi Bakını Ukraynanı dəstəkləməyə çağırır
Müsavat Partiyası Ukrayna və Krımdakı son hadisələrlə bağlı bəyanat yayıb.
Sənəddə Ukrayna xalqının Avropa Birliyinə inteqrasiya yönündə mübarizədə qalib gəldiyi, yeni hökumət formalaşdırdığı vurğulanır. Avropa Birliyi və ABŞ-ın yeni hakimiyyəti tanıdığı nəzərə çatdırılır.
Ukraynanın yeni hökumətini Rusiyanın tanımaq istəmədiyi, bu əsasda Ukraynada separatçılığı gücləndirdiyi, Ukraynanın Krım bölgəsində separatçılara hərbi yardım göstərdiyi vurğulanır. Krımın Rusiyanın tərkibinə daxil edilməsi haqda RF rəhbərliyinə və RF prezidentinə müraciət ünvanlandığı xatırladılır.
Müəlliflər Krlmdakı hərbi qüvvələrin Rusiyaya aid olmasının şübhə doğurmadığını qeyd edərək ordu birləşmələrinin təzyiqi altında Krım parlamentinin qəbul etdiyi referendum qərarının hüquqi əhəmiyyət daşımadığını vurğulayırlar. Rusiyanın Ukraynaya hərbi müdaxiləsi və təxribat cəhdləri sənəddə qətiyyətlə pislənir. Müəlliflər Ukraynanın suverenliyi və ərazi bütövlüyü, Ukrayna xalqının haqlı tələblərini müdafiə edəcəklərini bəyan edirlər.
Sənəddə problemin Ukrayna konstitusiyası və beynəlxalq normalara uyğun dinc yolla həlli olunması imkanlarının hələ tükənmədiyi qeyd edilir. Müəlliflər Avropa ilə inteqrasiyaya can atan Ukraynanın parçalanmasına yönələn hərbi müdaxilə və separatizmə qarşı dünya birliyindən daha fəal mövqe, beynəlxalq qurumlardan olaylara aydın və birmənalı münasibət gözlədiklərini səsləndirirlər.
Son olaraq müəlliflər rəsmi Bakıdan Azərbaycanın strateji müttəfiqi Ukraynanın suverenliyi və ərazi bütövlüyünü birmənalı müdafiə etməyi, dost Ukrayna xalqına və Krım tatarlarına açıq dəstək ifadə etməyi tələb edirlər.-05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz