Баку/03.03.18/Turan: Demokratik Qüvvələrin Milli Şurası (DQMŞ) Azərbaycan hakimiyyətindən Avropada yaşayan siyasi mühacirlərin ailələrinə qarşı repressiyalara son qoyulmasını tələb edib.
Milli Şuranın 3 mart tarixli bəyanatında deyilir ki, son vaxtlar Avropada yaşayan mühacirlərin tənqidi çıxışlarından və fəaliyyətindən dolayı onların Azərbaycandakı qohumlarına qarşı həyata keçirilən repressiyalar artan xətt üzrə davam edir
Belə ki, fevraln 13- də Fransada yaşayan bloger Məhəmməd Mirzəlinin qohumu Elman Ağayevi iş yerindən polisə aparıblar. O, polisə tabe olmamaq ittihamı ilə məhkəmə tərəfindən 30 sutka müddətinə həbs edilib.
Fevralın 17-də Hollandiyada yaşayan bloger Orduxan Teymurxanın Bakıda bacılarının evinə polislər gələrək onların övladlarını axtarıblar və onları həbs ediblər. Suraxanı Rayon Məhkəməsinin qərarı ilə blogerin iki bacısı oğlu- Səbuhi Zeynalov və Tural Əliyevin hər birinə 30 sutka inzibati həbs cəzası verilib.
Fevralın 18-də "Azad söz" səhifəsinin admini, siyasi mühacir Tural Sadıqlının atası Əlövsət Sadıqlını Sabunçu rayon 12 saylı polis bölməsinə aparıblar. Bir sutka saxladıqdan sonra ondan oğlunun hakimiyyəti tənqid etməsinə son qoymasını tələb ediblər.
Fevralın 23-də polis Tural Sadıqlının qardaşı Elgiz Sadıqlını iş yerindən apararaq həbs ediblər. Yalnız 4 gündən sonra məlum olub ki, E.Sadıqova inzibatı həbs cəzası verilib. O, Sabunçu rayon Polis idarəsində saxlanılıb ağır işgəncələrə məruz qalıb.
Fevralın 20-də Almaniyada yaşayan mühacir Camal Seyidlinin qohumu Aydın Məmmədova polisin qanuni tələblərinə tabe olmamaq ittihamı ilə 30 sutka inzibati həbs cəzası verilib.
Fevraln 17-də mühacir Elmir Şirəliyevin qohumu Abdulla Abuzərov iş yerindən polisə aparılıb, polisə müqavimət adı ilə 30 sutka inzibati həbs cəzasına məruz qalıb.
Milli Şura bu siyahının hələ tam olmadığını bildirir.
Milli Şura bəyan edir ki, hakimiyyətin saxta seçki oyununu ifşa edən, ölkədə hökm sürən talançılığa, korrupsiyaya etiraz edən, siyasi məhbuslara azadlıq tələb edən siyasi mühacirlərin qohumları əsassız olaraq təzyiqlərə və həbslərə məruz qalırlar.
Milli Şurası hakimiyyəti öz fikirlərini azad şəkildə ifadə edən insanlara və onların qohumlarına qarşı həyata keçirdiyi qanunsuz, qisasçı mövqedən çəkinməyə, repressiyaları durdurmağa, həbs olunan bütün şəxsləri qeyd- şərtsiz azad etməyə çağırır.-02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz