Fevralın 8-də saat 06:00-dan 14:00-a qədər Azərbaycanın bütün telekanalları yayımı dayandırıblar.
“Teleradio” İstehsalat Birliyinin məlumatına görə, bütün yerli kanalların yayımındakı məhdudiyyətlər profilaktika işləri ilə bağlıdır.
“Kanallarda hər 3 aydan bir profilaktika olur. Bunu avadanlıqların bərkidilməsi, tənzimlənməsi, köklənməsi məqsədi ilə ilə edirik. Günorta saat 15:00-dan sonra kanallara yenidən baxmaq mümkün olacaq”, deyə istehsalat birliyinin məlumatında qeyd edilir.
Media hüququ sahəsində ekspert Ələsgər Məmmədli milli yayımçıların hamısının yarım gün ərzində efirdə olmamasının həm qanunsuz, həm də ölkəninb informasiya təhlükəsizliyi baxımından doğru olmadığını qeyd edir.
“Teleradio yayımı sahəsində dövlət qurumu olan “Teleradio” İstehsalat Birliyinin ötürücü inhisarının nəticəsidir ki, ölkə efir məkanı sükuta qərq olub. Üstəlik, bu həm informasiya təhlükəsizliyi baxımından böyük xatadır, həm də qanuna ziddir”, deyə Məmmədli facebook səhifəsində yazır. -06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz