Ötən həftə ABŞ-ın San Fransisko şəhərində Dünya şöhrətli Kronos Kvartetinin təşkil etdiyi festival çərçivəsində Azərbaycan Bəstəkarlar İttifaqının sədri, Azərbaycanın Xalq Artisti, bəstəkəkar Firəngiz Əlizadənin “Rəqs” əsərinin premyerası keçirilib.
“Rəqs” Azərbaycan milli rəqslərinin elementləri əsasında yazılmış akademik əsərdir. “Bu sadəcə musiqi əsəri yox, həm də mesajdır” Turana deyən bəstəkar bildirib ki, pyesdə qonşu xalqların özününküləşdirməyə çalışdığı rəqslərimizə geniş yer verilib.
Kvartetin “Gələcək Üçün Əlli” adlı eksklüziv proqramı üçün bəstələnilən əsər, Azərbaycanda qədim zamanlardan nəsillərdən nəsillərə ötürülərək bu günümüzə qədər gəlib çatan müxtəlif rəqs ritmlərini özündə təcəssüm etdirir.
Bu F.Əlizadənin “Kronos”la ilk işi deyil. Müəllif 1993-cü ildən bu kvartetlə əməkdaşlıq edir. 1993-cü ildən F.Əlizadənin “Muğamsayağı” “Oazis”, “Abşeron” əsəsrləri də bu kvartetin ifasında səslənib.
Kronos kvarteti tərəfindən ifa edilən “Rəqs” tamaşaçıların gurultulu alqışları ilə qarşılanıb.
500-dən çox tamaşaçının iştirak etdiyi konsert məşhur “San Fransisko Caz Mərkəzi”ndə keçirilib. Azərbaycanın Los Ancelesdəki Baş Konsulluğunun əməkdaşı Ramin Əliyev konsertdə iştirak edərək, Azərbaycan musiqisinə və mədəniyyətinə göstərdikləri yüksək diqqətə görə musiqiçilərə və tədbirin təşkilatçılarına təşəkkürünü bildirib.
Xatırladaq ki, 2015-ci ildə də F.Əlizadənin “7 Gözəl” əsəri San Dieqoda səsləndirirlib. Bəstəkar “əsərlərinin səhnələşdirirlməsi ilə bağlı maliyyə xərcləri həmin ölkələrin çəkdiyini” xüsusi vurğulayıb.
Qeyd edək ki, 1973-cü ildə David Harringtonun rəhbərliyilə ABŞ-ın Sietl şəhərində yaradılan Kronos Kvarteti fəaliyyətini 1978-ci ildən San Fransiskoda davam etdirib və 40 ildən artıq davam edən fəaliyyəti ərzində Polar Musiqi Mükafatı, Averi Fişer Mükafatı, həmçinin musiqi üzrə ən tanınmış mükafatlardan olan Qremmi Mükafatına layiq görülüb.
Kvartet indiyədək Alban Berq, Anton Vebrn, Samuel Barber, Giya Kançeli, Stiv Rayx, Peteris Vaskas kimi dünyada tanınmış müəlliflərin əsərlərini ifa edib.—0—
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz