Dövlət Əmlak Məsələləri Komitəsi bu il ilk investisiya müsabiqəsini elan edib. Müsabiqəyə Gəncə Mənzil Tikinti Kombinatının demək olar ki, 100% səhmi çıxarılıb. Artıq 10 ildir ki, bu müəssisəyə müştəri tapılmır.
Komitə “Gəncə Mənzil Tikinti” ASC-nin 99,96% səhmi üçün 550 min manat və ya $343 750 dollar istəyir. Sonuncu dəfə səhmlər 2014-cü ilin aprelində investorlara təqdim olunub. O vaxtdan müəssisənin öhdəlikləri 519,6 min manatdan 315,1 min manata enib. Müəssisənin debitor borcları ödənilmyib və həmin səviyyədə - 248,9 min manat qalıb.
İnvestorlardan müəssisənin fəaliyyətinin bərpa edilməsi və ya hər hansı istehsalatın yaradılması tələb olunur.
Gəncə Mənzil Tikinti Kombinatı 1979-cu ildə istismara verilib. Müəssisənin 7 işçisi var. SC-nin nizamnamə kapitalı 2,7 mln. manata yaxındır.
Yanvarda dövlət əmlakının özəlləşdirilməsi üzrə yeni Dövlət Proqramının hazırlandığı barədə məlumat verilib. Mövcud proqram 2000-ci ilin avqustunda qəbul edilib.08D
İqtisadiyyat
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
Rəy yaz