Mirabad Rzayev Şüvəlan İstintaq Təcridxanasına aparılıb
İyulun 13-də Saatlı rayonunda həbs edilən “Kür” Vətəndaş Cəmiyyəti Qərargahının fəalı Mirabad Rzayev iyulun 16-da Şüvəlan İstintaq Təcridxanasına aparılıb.
Novruzlu kənd sakini Rzayev və onun oğlu Mirsaleh polis tərəfindən Saatlı rayon icra hakimiyyəti başçısı Siracəddin Cabbarovun qəbul otağında həbs edilib. O, mənzil verilməsinin gecikməsi ilə bağlı başıya şikayətə gəlibmiş. Ona qarşı Cinayət Məcəlləsinin 315.1-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi açılıb. Özünə 2 ay, oğluna isə 10 sutka həbs verilib.
Evi 2010-cu ilin daşqınında ziyan çəkən Rzayev 2 ildir müxtəlif səviyyələrdə problemin ədalətli həllinə çalışır və onun Fövqəladə Hallar Nazirliyi və yerli icra hakimiyyətinə qarşı mülki iddiası Bakıda 1 N İnzibati-İqtisad Məhkəmədədir.
Həbs zamanı Rzayevin hüquqları pozulub – o, vəkillə təmin edilməyib. Qapalı məhkəmədə ona formal şəkildə vəkil təyin edilib. İstintaqın qərəzli olduğunu o da göstərir ki, Rzayevin qohumları cinayət işi qaldırılması barədə qərarı nə məhkəmədən, nə də vəkildən ala bilmir ki, apellyasiya şikayəti versin.
8 rayonu əhatə edən daşqın zonasında repressiyalar bu ilin aprelində başlayıb. Əvvəlcə Sabirabadda “Kür” Vətəndaş Cəmiyyəti Qərargahının koordinatoru Oqtay Güləliyev, sonra hüquq müdafiəçisi İlham Əmiraslanov və indi Rzayev həbs edilib.
Sabirabad və Saatlı rayonlarında praktik olaraq fövqəladə vəziyyət hökm sürür. Polis müntəzəm olaraq kəndlərdə patrulluq edir, yerli fəallara psixoloji təzyiq göstərilir.
Beləliklə, hakimiyyət çalışır ki, daşqının nəticələrinin aradan qaldırılması mövzusunu bağlasın. Daşqınla bağlı yarım milyard dollar ayrılsa da, bir çox məsələlər həllini tapmayıb. “Kür” Vətəndaş Cəmiyyəti Qərargahı kompensasiya verilməsi, evlərin tikilməsi, infrastruktur, sahilbərkitmə və s. işlərdə çoxsaylı korrupsiya faktları aşkarlayıb.
Təzyiqlərə baxmayaraq, yerli sakinlər problemin ədalətli həllini tələb edirlər. Bazar ertəsi Sabirabadın yüzdən çox sakini İcra hakimiyyətinə gələrək sonuncu verilən kompensasiyadan şikayət ediblər. Ötən həftə mənzilinin əsaslı təmirə ehtiyacı olanlara 6 min manat kompensasiya verilməsinə başlanılıb. Sonra bu məbləğ 4 minə endirilib və daha sonra tam dayandırılıb.
İcra başçısı Nazim İsmayılov şikayətçiləri qəbul etməyib. Onları polis qarşılayıb və ərazidən uzaqlaşdırıb.—0—
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz