Azərbaycanın Təbrizdəki Baş Konsulluğunun səyləri nəticəsində İranda həbs olunmuş azərbaycanlı ədiblər Fərid Hüseyn və Şəhriyar Hacızadənin ailə üzvləri ilə görüşü barədə razılıq əldə olunub. Bu barədə çərşənbə günü keçirilən brifinqdə Azərbaycan XİN-in rəsmi nümayəndəsi Elman Abdullayev bildirib.
Onun sözlərinə görə, Azərbaycanın Təbrizdəki baş konsulu Əli Əlizadə bununla bağlı iki dəfə - iyulun 15-də və 17-də İranın Şərqi Azərbaycan əyalətinin qubernatoru ilə görüşüb. Son görüşdə qubernator bildirib ki, görüşlə bağlı Tehranın razılığı alınıb. Lakin gənclərin nədə ittiham olunduğunun səbəbləri barədə suala cavab alınmayıb. Ailə üzvlərinin həbs olunanlarla nə zaman görüşəcəyi də açıqlanmır.
Xatırladaq ki, gənc şairlər aprelin sonunda Tehrana ədəbi toplunun təqdimatına dəvət olunublar. Tədbirdən sonra Təbrizə gedərkən həbs ediliblər. Mülki geyimli bir neçə şəxs onları saxlayıb və naməlum istiqamətə aparıb. Baş verənlərdən iki ay yarımdan çox vaxt keçsə də İran hakimiyyəti onların saxlanma səbəbləri barədə rəsmi açıqlama verməyib.
İran KİV-i bildirib ki, ədiblər casusluqda ittiham olunur.-06B-
Siyasət
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
Rəy yaz