Müdafiə Nazirliyi Ələkbər Məmmədovu məhkəməyə verə bilər

Azərbaycan Müdafiə Nazirliyi son vaxtlar ölən əsgərlərin daxili orqanlarının çıxarılması haqqında verilən bəyanatları təkzib edir. Bu gün bu məsələ ilə bağlı Silahlı Qüvvələrin Məhkəmə Tibbi Ekspertiza Mərkəzinin rəisi Rasim Əliyev bəyan edib. O qeyd edib ki, ölümün səbəblərinin araşdırılması üçün laboratoriya müayinələri məqsədi ilə daxili orqanların nümunələri götürülür.

Bu proses hüquq-mühafizə orqanlarının yazılı qərarı əsasında foto və videoçəkilişlə həyata keçirilir.

Prokurorun və ya müstəntiqin icazəsi ilə cənazənin müayinəsində mərhumun valideynləri iştirak edə bilər.

Təlimata əsasən, müayinə zamanı baş, döş və qarın boşluqları açılır. Bu boşluqlardan orqanlar ekspertlər tərəfindən çıxarılır, müayinə olunur və geri qoyulur.

Buna görə ölən əsgərlərin daxili orqanlarının çıxarılması haqqında iddialar əsassızdır. Rasim Əliyev hüquq müdafiəçisi Ələkbər Məmmədovu Müdafiə Nazirliyinə qarşı çirkli kampaniyada ittiham edir və əsgərlərin orqanlarının oliqarxların ehtiyacları üçün çıxarıldığı barədə bəyanatları ilə əlaqədar onu məhkəməyə vermək niyyətindədir.

Xatırladaq ki, son vaxtlar ölkə əsgərlərin valideynləri mətbuat konfransları keçirərək, onların orqanlarının çıxarıldığını bildiriblər. -06D-