Cümə axşamı dövlət başçısı İlham Əliyevin iştirakı ilə Tofiq Bəhramov adına Respublika stadionun yenidənqurmadan sonra açılışı olub.
İdman və gənclər naziri Azad Rəhimov məlumat verib ki, işlər Koreyanın “Samhwa Telecom” şirkəti tərəfindən həyata keçirilib. Oturacaqların sayı 31200-ə çatdırılıb, ot örtüyü FİFA tələblərinə uyğunlaşdırılıb. Bu işlər alman mütəxəssisləri tərəfindən həyata keçirilib, onlar xüsusi drenaj sistemi və stadion örtüyünü isitmə sistemi qurublar.
Qaçış yolları da alman firmaları tərəfindən təmir edilib, işıqlandırma sistemləri və elektron tablolar dəyişdirilib.
Stadionun oturacaqlarında yanğın əleyhinə mühafizə örtüyü quraşdırılıb, tribunalarda isə hər biri on nəfərlik olan 16 “ailəvi otaq” quraşdırılıb. VİP qonaqlar üçün də bina və 205 nəfərlik restoran tikilib. Soyunma otaqları və köməkçi otaqlar təmir edilib.
Stadionda ən böyük dəyişiklik tribunaların örtüyü olub, bu örtüklər tribunalarda oturanları günəşdən və yağışdan tamamilə qoruyur.
Rəsmi məlumatda bu işlərin hansı məbləğə başa gəldiyi deyilmir. Xatırladaq ki, sentyabrın 22-dən oktyabrın 13-nə qədər bu stadionda qızlar arasında futbol üzrə Dünya Çempionatının oyunları keçirilir. -02D-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz