İyulun 26-da günün ikinci yarısında Azərbaycan Müdafiə Nazirliyi 1992-ci il təvəllüdlü əsgər Firuz Fərəcovun Tovuz rayonunda təmas xəttində “yolunu azaraq”, ermənilərin əsirliyinə düşdüyünü təsdiq edib.
Əsgərlər müntəzəm olaraq öz istiqamətlərini başqa istiqamətlə qarışdırırlarsa, görünür, milli orduda coğrafiya və istiqamət dərsləri tətbiq etməyin vaxtı çoxdan çatıb. -02D-
Azərbaycanlı hərbçi əsir düşüb
İyulun 26-da səhər saat 6.00-da azərbaycanlı hərbçi Firuz Fərəzov Ermənistan-Azərbaycan sərhədini keçərək erməni sərhədçilərə təslim olub. Bu barədə Ermənistan Müdafiə Nazirliyinin mətbuat xidməti məlumat verib.
Mənbə bildirib ki, Azərbaycan vətəndaşı həbs olunub, istintaq gedir. İnsident barədə Beynəlxalq Qırmızı Xaç Komitəsinin Ermənistandakı ofisinə məlumat verilib.
Azərbaycan Müdafiə Nazirliyi məlumatı şərh etmir.
Qeyd edək ki, bundan əvvəl Ermənistanda azərbaycanlı hərbi əsir olmayıb. -02D-
Cəmiyyət
-
Həbsdə olan ictimai fəal, I qrup əlil Famil Xəlilov noyabrın 28-də yenidən aclıq aksiyasına başlayıb. O hazırda quru aclıq edir, su, dərman qəbulundan da imtina edib. Xəlilov “qanunsuz həbsinə” etiraz edir. Bu barədə Famil Xəlilovun həyat yoldaşı Kiçikxanım Xəlilova onunla dekabrın 1-də telefon danışığından sonra Turana deyib. “Famillə bu gün telefonla danışdım. O quru aclığı davam etdirdiyini, hətta dərmanlarının qəbulundan imtina etdiyini dedi. Bildirdi ki, dərman qəbul etmədiyindən gecələr yata da bilmir. Mənim yalvarışlarıma baxmayaraq o inadından dönmədi. Familə onun ev dustaqlığına buraxılması ilə bağlı verilən vədə noyabrın 28-də məhkəmədə əməl edilməməsi çox ağır təsir edib”, o qeyd edib.
-
17 saylı cəzaçəkmə müəssisəsində cəza çəkən Müsəlman Birliyi Hərəkatının (MH) fəalı Bəxtiyar Babaşov fiziki təzyiqə məruz qalıb. Bu barədə onun həyat yoldaşı, jurnalist və hüquq müdafiəçisi Arzu Abdulla məlumat verib. Noyabrın 30-da o, ərinin cəza çəkdiyi müəssisənin qarşısında etiraz aksiyası keçirib. O, ərinə və digər məhbuslara qarşı zorakılığın dayandırılmasını tələb edib.
-
Qışın ilk günüdə Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Gecə və səhər bəzi yerlərdə çiskinli olacağı, axşam isə arabir yağış yağacağı ehtimalı var. Şimal-qərb küləyi əsəcək.
-
Noyabr ayının 23-də saat 19:00-da Dövlət Sərhəd Xidmətinin Sərhəd Qoşunları Komandanlığının Xudat sərhəd dəstəsinin xidməti ərazisində Azərbaycan Respublikasından Rusiya Federasiyası istiqamətində Əlcəzair Xalq Demokratik Respublikası vətəndaşı–2002-ci il təvəllüdlü Chouaib Bendemagh, noyabrın 25-də saat 00:05-də Lənkəran sərhəd dəstəsinin xidməti ərazisində İran İslam Respublikasından Azərbaycan Respublikası istiqamətində İİR vətəndaşları–2004-cü il təvəllüdlü Rayenzadə Muhemmedrza Əli və 2008-ci il təvəllüdlü Mikayıllı Yeganə Nehmətulla dövlət sərhədini pozmağa cəhd göstərərkən saxlanılıb.
Rəy yaz