![Regionlarda Nyu Media](https://turan.az/resized/media/2012/main/072600006211-750-500-resize.webp)
“Nyu-medianın inkişafı və regionlarda yayılması” layihəsinin əsas məqsədi multimedia fəallarına və vətəndaşlarına dəstək verməkdir.
Bu barədə cümə axşamı Media Mərkəzdə keçirilən mətbuat konfransında Reportyorların Azadlıq və Təhlükəsizlik İnstitutunun (RATİ) sədri Emin Hüseynov Avropa İttifaqının dəstəyi ilə həyata keçirilən layihənin altı aylıq yekunlarını açıqlayarkən bildirib.
Onun sözlərinə görə, 117.876 avro dəyərindəki layihə bir il müddətinə nəzərdə tutulub. Bu məbləğin böyük hissəsini Avropa İttifaqı ayırıb. Layihə RATİ başda olmaqla, QHT konsorsiumu tərəfindən Bakıda, Gəncədə, Naxçıvanda, Lənkəranda və Qubada həyata keçirilir.
Bütün bu regionların hər birində bir treninq keçirilib, qalan 6 ayda isə daha bir treninq keçiriləcək.
Treninqləri keçirən jurnalist Şahvələd Çobanoğlu bildirib ki, bu treninqlərdən əldə etdiyi effekti gözləmirdi. Onun sözlərinə görə, treninq iştirakçıları QHT-lərin, gənclər təşkilatlarının nümayəndələri, hüquq müdafiəçiləri, yerli jurnalistlər, fəal İnternet istifadəçiləri olub.
“Biz onlara açıq kodlu, yəni pirat deyil, lisenziyalı proqramlardan istifadə etməyi, çəkilmiş videoları göndərməyi və İnternetdə yerləşdirməyi, bloqlardan, xeyriyyə məqsədilə İnternetdən istifadə etməyi, sosial şəbəkələr vasitəsilə həmfikirlər tapmağı öyrədirdik”, deyə Şahvələd Çobanoğlu bildirib.
O, İnternetin imkanlarından istifadə etməyən QHT-ləri tənqidə məruz qoyub. Jurnalist həçinin ölkədə internet statistikasının olmamasına toxunub, baxmayaraq, ki, bir çox ölkələrdə belə statistika tutulur.
Emin Hüseynovun sözlərinə görə, layihənin əvvəlində hökumətyönlü KİV-lərin layihəni tənqid edərək, regionlarda sabitliyin pozulmasına yönəldiyini bildirmələri mənfi hal idi.
Layihə iştirakçılarında aşılanmış təcrübə və bacarıqlar, habelə kontent yaradılması üzrə maarifləndirmə işi müsbət nəticə oldu.
Ölkədə nyu-media sahəsində ümumi vəziyyət haqqında danışan Hüseynov Azərbaycanda Facebook-un milyona yaxın istifadəçisi, Twitter-in 40 minə yaxın fəal istifadəçisi olduğunu bildirib. -04С-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz