Müğənni İlhamə Quliyeva vəfat edib

Müğənni İlhamə Quliyeva bu gün səhər vəfat edib. Azərbaycan Səhiyyə Nazirliyindən məlumatı Turan-a təsdiqləyiblər. “Saat 10:30-da 73 yaşlı müğənni ürək tutmasından vəfat edib”, - nazirliyin mətbuat xidməti bildirib. Bir neçə il öncə İ.Quliyeva şuntlama əməliyyatı keçirmişdi.

Uzun illərdir ki, müğənninin adı qalmaqalda hallanır. O, dəfələrlə musiqiçi həmkarlarına, jurnalistlərə və digər şəxslərə qarşı məhkəmə iddiaları qaldırıb.

İ.Quliyeva müxtəlif adları mənimsəməkdə özünü haqlı sayırdı və digərlərindən də tələb edirdi ki, onu primadonna çağırsınlar. Azərbaycan xalq artisti adını alqıqdan sonra  ətrafdakılara öz baxış və düşüncələrini, zövqünü diqtə etməyə çalışırdı ki, bu da icitmaiyyətdə əsaslı narazılıq yaradırdı.

Buna baxmayaraq, hakimiyyət baş verənlərə göz yumurdu, hətta İ.Quliyevanı Avropa Oyunları zamanı məşəl aparanların sırasına daxil etmişdi.

Son həftələr müğənninin təkidilə  oğurluq ittihamı üzrə mühakimə edilən keçmiş xidmətçisi prokurorluğa şikayət edib. O, İ.Quliyevanı zorla pul tələb etmək, dələduzluq və reketdə ittiham eib. İ.Quliyeva bu ittihamlara ağıllı-başlı cavab verə bilməyib. -0-