Fəlakət baş verərsə nə etmək lazımdır? AB tərəfindən maliyyələşdirilən modelləşdirmə təlimi

Zəlzələlərin, daşqınların, torpaq sürüşmələrinin nəticələri necə aradan qaldırılmalıdır? Fəlakət nəticələrinin aradan qaldırılması zaman yerli qurumlar reaksiya təsirini artırmaq üçün beynəlxalq tərəfdaşlar ilə danışıqları hansı müstəvidə qurur? Son iki gün ərzində, Bakı şəhərində təbii hadisələr nəticəsində Azərbaycan Respublikası ərazisində baş verən və hökuməti beynəlxalq yardım üçün müraciət etmək məcburiyyəti qarşısında qoyan ciddi fəlakətin təsvir olunduğu ssenari üzərində qurulmuş modelləşdirmə təlimi keçirilmişdir. Beynəlxalq yardımın göndərilməsi üçün edilən müraciətə cavab olaraq Avropa Birliyi Mülki Müdafiə Mexnizminin İştirakçı Ölkələrindən göndərilmiş xilasetmə qruplarının ölkəyə gəlişi simulyasiya edilmişdir: yerli qurumlar onların ölkəyə qəbul edilməsi və yerləşdirilməsinə, habelə xaricdən gələn yardımların nəqli ilə bağlı beynəlxalq qrupların tələbini yerinə yetirməlidir. Təlim AB tərəfindən maliyyələşdirilən Şərq Tərəfdaşlığı Ölkələrində Təbii və İnsan Fəaliyyəti nəticəsində meydana gələn Fəlakətlərə qarşı Profilaktika, Hazırlıq və Reaksiya Proqramının (PPRD East 2 Proqramı) tərkib hissəsi kimi həyata keçirilmişdir.

24-25 fevral tarixlərində Bakı şəhərində ADA Universitetində keçirilən tədbirdə AB Azərbaycan Nümayəndəliyinin səfiri xanım Malena Mard və Fövqəladə Hallar Nazirinin Müavini cənab Faiq Tağızadə iştirak etmişdir. Təlimdə həmçinin Fövqəladə Hallar Nazirliyi, Daxili İşlər Nazirliyi, Müdafiə Nazirliyi, Səhiyyə Nazirliyi, Xarici İşlər Nazirliyi, Dövlət Sərhəd Xidməti və Dövlət Gömrük Komitəsinin, habelə digər hökümət və qeyri-hökumət təşkilatlarının ekspertləri iştirak etmişdir.

Təlimdə beynəlxalq yardım qruplarının qəbul edilməsi və yerləşdirilməsi istiqamətində Azərbaycan tərəfindən görülən tədbirlərin effektivliyi sınaqdan keçirilmiş – Qəbul edən Ölkələrin Dəstəyi konsepsiyası – və zərurət yarandıqda, Avropa Birliyi tərəfindən göndərilən beynəlxalq yardımların effektiv və səmərəli şəkildə qəbul edilməsi məqsədilə təkmilləşdirmənin aparılması zəruri olan sahələr müəyyən edilmişdir. Danışıqlar prosesinin və koordinasiya iclaslarının modelləşdirilməsi nəticəsində iştirakçılar müxtəlif növ suallar ilə qarşılaşmışdır (məs, sərhədin keçilməsinə yardım, gömrük rəsmiləşdirilməsi, düşərgələrin yaradılması üçün ərazinin ayrılması, yanacaq təchizatı, fəlakət zonasına səfər zamanı qrupların müşayiət olunması və təhlükəsizlik). Bunlarla yanaşı, təlimin məqsədi AB QÖD Təlimatlarına uyğun olaraq mülki müdafiə yardımı üçün müraciət edilməsi istiqamətində qurumlararası və nazirliklərarası əməkdaşlığın gücləndirilməsindən ibarət olmuşdur.

*PPRD East 2 Proqramının əsas məqsədi Şərq Tərəfdaşlığı Ölkələrində sülhə, sabitliyə, təhlükəsizliyə və tərəqqiyə töhfə vermək və bu ölkələrin təbii və insan fəaliyyəti nəticəsində meydana gələn fəlakətlərə qarşı profilaktikasının, hazırlığının və reaksiyasının

gücləndirilməsi yolu ilə regionda ətraf mühiti, əhalini, mədəni irs nümunələrini, sərvətləri və infrastrukturu mühafizə etməkdən ibarətdir.

PPRD East 2 Proqramının məqsədləri Azərbaycan, Belarus, Gürcüstan, Ermənistan, Moldova və Ukraynada milli səviyyədə fəlakət risklərinin idarə olunması potensialının gücləndirilməsini, Tərəfdaş Ölkələr arasında regional əməkdaşlığın gücləndirilməsini və bu ölkələrin Avropa Birliyi Mülki Müdafiə Mexanizminə yaxınlaşdırılmasını əhatə edir.-0-