![Müsavat Partiyası Konstitusiya Məhkəməsini seçkilərin nəticələrini təsdiq etməməyə çağırır](https://turan.az/resized/750/500/resize/media/2015/main/112300137393.jpg)
Müsavat Partiyası Konstitusiya Məhkəməsini seçkilərin nəticələrini təsdiq etməməyə çağırır
Müsavat Partiyasının başqanı Arif Hacılı noyabrın 1-də keçirilən Milli Məclisə seçkilərin nəticələrinin təsdiq edilməməsi ilə bağlı Konstitusiya Məhkəməsinə müraciət edib.
“Müsavat Partiyası Milli Məclisə deputat seçkiləri nəticəsində formalaşacaq qanunvericilik hakimiyyətinin xalqın iradəsini əks etdirməyən qeyri-legitim parlament olacağını bildirərək, Azərbaycan Respublikası Konstitusiya Məhkəməsini Mərkəzi Seçki Komissiyasının seçkilərin nəticələri haqqında yekun protokolunu təsdiq etməməyə çağırır”, deyə Müsavat Partiyasının başqanı Arif Hacılının imzaladığı müraciətdə bildirilir.
Məktubda seçki ərəfəsində ölkədə demokratik şərait olmaması, azad siyasi rəqabət şəraitinin yaradılmaması, siyasi məhbusların azad edilməməsi, söz, ifadə, sərbəst toplaşmaq azadlıqlarının təmin edilməməsi, azad və ədalətli seçkilərin keçirilməsi üçün qanunvericilik bazası yaradılmaması, seçki komissiyalarının hakimiyyətin tam nəzarəti altında olması və başqa çoxsaylı məhdudlaşdırıcı halların olması sadalanır.
Partiya seçkilərlə bağlı 8 səhifədən ibarət ilkin rəyini də Konstitusiya Məhkəməsinə təqdim edib.
“Seçki günü saysız-hesabsız qanun pozuntularına və saxtakarlıqlara yol verilib. Seçki kampaniyası dövründə yol verilən qanun pozuntuları və seçkilərin nəticələri haqqında Mərkəzi Seçki Komissiyasına, Apellyasiya və Ali Məhkəməyə verilən şikayətlər hüquqi müstəvidə araşdırılmayıb və bir qayda olaraq, şikayətlərə siyasi sifariş əsasında qiymət verilib. Bəzi şikayətlərin Ali Məhkəmədə baxılma prosesi başa çatmayıb”, deyə müraciətdə qeyd edilir. -03D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz