Bakı/15.08.19/Turan:"Bizə 2019-cu il avqustun 14-ü axşam dedilər ki, qardaşım Mikayıl Qaçayev həmin gün səhər saatlarında xidmət etdiyi hərbi hissədə intihar edib və biz bu məsələnin araşdırılmasını istəyirik ki, həqiqət aşkarlansın".
Bunu N saylı hərbi hissədə qulluq edən və intihar etdiyi deyilən əsgər Mikayıl Qaçayevin qardaşı Müşfiq Qaçayev "Turan"a bildirib.
Müşfiq Qaçayev deyir ki, hərbi hissədən Mikayıl Qaçayevin intihar etdiklərini deyiblər:
"Biz bu məsələnin araşdırılmasını, bu hadisənin intihar olub olmadığını bilmək istəyirik. 8 ayın əsgəri özün niyə assın ki? İyul ayında məzuniyyətə buraxılıb, sonra hərbi hissəyə qayıdıb. Psixi pozğunluğu olmayıb. Amma yenə də hərbi hissədən bizə deyilib ki, may ayında hansısa əsgər yoldaşı ilə dava edib və bu məsələ ilə hərbi prokurorluq maraqlanırmış. Bizi bu məsələ ilə bağlı hərbi hissəyə çağırsalar da atam xəstə olduğu, mən də təsərrüfat işlərinə baxdığım və imkan olmadığı üçün gedə bilmədik. Bəlkə təzyiq olub, ya kimsə qorxudub. Buna görə deyirəm ki, bu məsələ araşdırılmalıdır ki, əsl səbəb ortaya çıxsın. Bizə deyirlər ki, qardaşım məktub yazıb qoyub. Məktubunda bu addıma görə valideynlərindən üzr istəyib. Amma qardaşım hərf belə tanımırdı, məktubu necə yaza bilərdi?. Məktub olması barədə söz-söhbət gəzsə də hərbi hissə məktubu bizə göstərməyib".
Müşfiq Qaçayev deyir ki, qardaşı hərbi xidmət keçirdi, bir əsgər kimi dəfn olunmalı idi, amma hərbi hissə bunu etmədi:
"Məni ən çox yandıran odur ki, qardaşım bir əsgər olaraq dövlət bayrağına belə bükülmədən dəfn olundu. Mən bu hadisənin intihar olub-olmadığını iddia etmirəm. Sadəcə bu məsələnin araşdırılıb, əsl səbəbinin üzə çıxarılmasını istəyirəm".
Müşfiq Qaçayev bildirib ki, qardaşı 2019-cu ilin yanvarından ilyarımlıq hərbi müddətə olmaqla 8 aymış xidmətdə olub.
Bu məsələ ilə bağlı hələlik Müdafiə Nazirliyinin mətbuat xidmətindən şərh almaq mümkün olmayıb.-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz