Cümə axşamı Media Mərkəzdə İctimai Palatanın 21, 24 və 25 may etiraz aksiyalarının iştirakçılarının mətbuat konfransı keçirilib. Hüquq müdafiəçisi Ələkbər Məmmədov bu aksiyaların iştirakçılarının döyülməsi, təhqiri və təqibi faktları haqqında danışıb.
Onun sözlərinə görə, polis və mülki geyimli şəxslər heç bir əsas olmadan aksiya iştirakçılarına qarşı zorakılığa yol veriblər, onları polis bölmələrinə aparıblar və döyüblər. İndiyədək bu aksiyaların iştirakçıları və onların doğmaları polisə çağırılır, deyə Məmmədov bildirib.
Demokrat Partiyasının üzvü Cəmil Hacıyev bildirib ki, hazırda onun partiyadan həmkarı İlham Süleymanov 221-ci (xuliqanlıq) maddə ilə həbsdədir.
İş onun İP aksiyalarında iştirakı ilə əlaqədar açılıb. Bundan başqa, Demokrat Partiyasının digər üzvü Rəsul Mürsəlov barəsində cinayət işi açılıb, o, gizlənmək məcburiyyətində qalıb.
Cəmil Hacıyev özü polis tərəfindən döyülüb və ümumilikdə Demokrat Partiyasının 12 üzvünün təqiblərə məruz qaldığını bildirib.
“Mənim evimə daim polisdən zəng edirlər və hədələyirlər”, deyə o bildirib.
Demokrat Partiyasının üzvü Şəhla Hacıyeva da 21 və 24 may aksiyalarında iştiraka görə məruz qaldığı kobudluq və zorakılıq, habelə təhqirlər barədə danışıb.
AXCP üzvləri Elçin Həsənov və Elşən Ağayev mayın 25-də xalq gəzintisi zamanı və saxlandıqdan sonra polis maşınında döyüldüklərini bildiriblər.
Xətai rayon 37-ci polis bölməsində onları döyən mayor şəxsən prezident İlham Əliyevin göstərişini yerinə yetirdiyini deyib. “Bizi sizi döymək üçün buraya göndəriblər”, deyə mayor bildirib.
Elşən Ağayev (AXCP Sumqayıt təşkilatı) bildirib ki, o da Səbail rayon 39-cu polis bölməsində döyülüb, sonradan 20 manat cərimə edilib. “Sumqayıtda böyük ticarət obyektim var, aksiyada iştirakımdan sonra birdən-birə icarə haqqını qaldırdılar”, deyə Elşən Ağayev bildirib.
17 yaşlı Nərmin Xəlilova – AXCP üzvü və Kollec tələbəsi də 25 may aksiyasında iştirakına görə saxlanılıb, gecə saat 12-yə qədər onu polisdə saxlayıblar. Ona valideynlərinə yerini bildirməyə imkan verməyiblər.
AXCP üzvü Şakir Abbasov və İltifat Mehdiyev bildiriblər ki, etiraz aksiyalarında iştiraklarından sonra daim izləndiklərini seziblər.
İP aksiyalarının iştirakçılarının söylədiklərinə yekun vuran Ələkbər Məmmədov bildirib ki, onlar dövlət başçısına və beynəlxalq təşkilatlara müraciət göndərmək niyyətindədirlər. -04С-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz