Samsung Galaxy S III smartfonunun Azərbaycanda rəsmi təqdimatı keçirildi

      Rəqəmli texnologiyalar və rəqəmli konvergensiya sahəsində dünya lideri Samsung Electronics şirkəti iyun ayının 20-də Bakıda keçirilən mətbuat konfransında Samsung GALAXY S III telefonlarını təqdim etdi.

     Telefonların rəsmi təqdimatı Samsung-un yüksək HD görüntü keyfiyyəti ilə seçilən LED monitorlarında nümayiş olunan video məlumatlarla və smartfonıarın göstəricilərini təqdim etməkdə sözlər aciz olduqda isə pantomima teatrının aktyorarının ifasıyla dəstəklənirdi.

     Samsung şirkətinin Azərbaycan nümayəndəliyinin rəhbəri Ceyhi Çan  bildirdi ki, 2012-ci ilin ilk rübünün nəticələrinə görə Samsung şirkəti istər bütövlükdə mobil telefon, istərsə də smartfon bazarında 1 nömrəli mövqeyə sahib olub. Hazırda şirkət 23,5% bazar payı ilə liderdir. Onun sözləinə görə, bir ay bundan öncə Galaxy S III smatfonunun dünya təqdimatı oldu və satışa buraxıldıqdan cəmi 15 gün sonra satış həcmi record bir rəqəmə - 2,2 mln ədədə çatdı. “Əminəm ki, Azərbaycan bazarında da Galaxy S III uğurlu olacaqdır”, deyə Çan vurğulayıb. 

     Samsung telefonlarının Azərbaycandakı rəsmi distribütoru olan “İntegral” şirkətinin satış müdürü Şahin Sadıxov bildirdi ki, hazırda Samsung smartfonları Azərbaycan bazarında satış həcminə görə birincidir. İndiyədək Azərbaycanda 10 vin ədəd Galaxy S v 14 min ədəd Galaxy 2 smartfonları satılıb. Yeni GALAXY S III Azərbaycan bazarında 700 manata təklif olunur.

     Daha sonra Samsung şirkətinin Azərbaycan nümayəndəliyinin əməkdaşı  Fərid Namazov mətbuat konfransının iştirakçılarını Galaxy S III mobil telefonu haqqında ətraflı tədimatla çıxış etdi. 08C