![Birjadankənar əməliyyatlara dair informasiya qəsdən gizlədilir](https://turan.az/resized/media/2012/main/062100003029-750-500-resize.webp)
- İqtisadiyyat
- 21 İyun 2012, 16:58
- 115
Birjadankənar əməliyyatlara dair informasiya qəsdən gizlədilir
Bakı Fond Birjası (BFB) birjadankənar platformada qiymətli kağızlar üzrə əqdlər barədə informasiyanı gizlədir, Qiymətli Kağızlar üzrə Dövlət Komitəsi (QKDK) isə onun hərəkətini ört-basdır edir. Bu barədə sehm.az analitik-fond portalının redaktoru Hafiz Babalı bugünkü mətbuat konfransında bildirib.
Onun sözlərinə görə, birjadankənar əməliyyatlar üzrə informasiyanın dərci QKDK tərəfindən BFB-ə həvalə olunub. Bu, “Adlı investisiya qiymətli kağızlar üzrə əqdlərin bağlanması haqqında” 2011-ci il avqustun 26-da qəbul olunmuş qaydalara əsasən həyata keçirilir. İctimaiyyətə məlum olmayan səbəblərdən bu sənədin qəbulu barədə yalnız ötən il dekabrın sonunda məlumat verilib və birja bu ilin yanvarından korporativ qiymətli kağızlar üzrə birjadankənar əməliyyatlara dair ətraflı məlumatları açıqlamaya başlayıb. Lakin martın 5-də BFB gözlənilmədən bu məlumatın açıqlanmasını dayandırıb və bu proses iyunun 19-dək davam edib.
H.Babalının fikrincə, BFB-nin birjadankənar əməliyyatlar barədə məlumatların dərcindən yayınmasına səbəb bu ilin fevralında bir neçə müəssisənin nəzarət səhm paketinin alqı-satqısı üzrə əqdlərə dair informasiyanın sızmasıdır. Belə ki, bu müəssisələr dolayısı ilə keçmiş iqtisadi inkişaf naziri Fərhad Əliyevə məxsus olub.
H.Babalı qeyd edib ki, qaydalara əsasən BFB depozitarilərdən məlumat daxil olduqdan bir gün sonra informasiyanı dərc etməlidir. Burada əqdin bağlandığı tarix və yer, konkret emitent, əqdin sayı, nominal dəyəri və qiyməti haqda bilgi verilir. Lakin iyunun 19-dan BFB birjadankənar əməliyyatlara dair məlumatları öz qaydalarına əsasən dərc edir ki, bu haqda da hələlik açıqlama verməyib. “BFB tərəfindən dərc edilən məlumatlar analitik xarakter daşıyır və QKDK-nin qəbul etdiyi normativ akta tamamilə ziddir”, - o vurğulayıb. BFB səhmləri birjadankənar platformada alqı-satqı predmeti olan emitentlərin sektoral münasibətləri haqda məlumatları ehtiva edən informasiyanı açıqlamağa başlayıb.
QKDK-nin qəbul etdiyi qaydalarda qeyd olunur ki, qiymətli kağızlar üzrə birjadankənar əməliyyatlara dair məlumat BFB-yə “ədalətli qiymətin, şəffaflığın artırılmasının və sui-qəsd hallarının aşkar edilməsinin təminatı” məqsədilə təqdim olunur.BFB-nin hərəkətləri bu prinsiplərə ziddir.
H.Babalı həmçinin qeyd edib ki, birjadankənar əməliyyatlar haqqında məlumatın açıqlanması 2011-2020-ci illərdə qiymətli kağızlar bazarının inkişafı üzrə Dövlət Proqramında nəzərdə tutulub. Dövlət Proqramı beynəlxalq maliyyə institutları (Dünya Bankı və başqaları) tərəfindən dəstəklənir, lakin hələlik onlar yalnız prosesi müşahidə edirlər. 08C
-
- Siyasət
- 21 İyun 2012 17:05
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz