Namaz vaxtları və dini bayramlarla bağlı təqvim hazırlanıb
Çərşənbə axşamı Qafqaz Müsəlmanları İdarəsinin (QMİ) Böyük konfrans zalında qurumun toplantısı keçirilib.
Öncə QMİ sədrinin müavini, Bakı İslam Universitetinin rektoru Hacı Sabir Həsənlinin 70 illik yubileyinin tamam olması xatırladılıb. QMİ sədri, Şeyxülislam Allahşükür Paşazadə S.Həsənli ilə eyni vaxtda işə başladıqlarını, dini sahədə bütün uğurları birgə qazandıqlarını vurğulayıb. Sovet dönəmində “Gəncə imamzadəsi”nin dağıdılmasının qarşısını almaq üçün imamzadəni tarixi abidə kimi qeydiyyatdan keçirərək dövlərt qoruması altına aldıqlarını xatırladıb. A.Paşazadə sovet dönəmində islamın qorunmasında S.Həsənlinin xüsusi rolu olduğunu deyib və onu “böyük şəxsiyyət, böyük insan” kimi dəyərləndirib. Dini Qurumlarla İş üzrə Dövlət Komitəsinin sədri Mübariz Qurbanlı da S.Həsənlini görkəmli ziyalı, tanınmış din xadimi kimi xarakterizə edib.
Daha sonra ölkədə namaz vaxtları və dini bayramları ilə bağlı təqvimin hazırlanmasına toxunulub. A.Paşazadə təqvimin hazırlanmasında Şamaxı rəsədxanası ilə əməkdaşlığın xüsusi əhəmiyyəti olduğunu vurğulayıb. Yeni təqvimdə namazın qılınması vaxtının dəqiqiliklə hesablandığı vurğulanıb. Bununla yanaşı, ayrı-ayrı rayonlar üzrə namazın qılınması vaxtlarına dair təqvimlər hazırlanıb. A.Paşazadə bundan sonra eyni rayon və ya şəhər daxilində müəyyən fərqlərlə müxtəlif vaxtlarda azan verilməsinin dini vəhdətin pozması kimi dəyərləndiriləcyini söyləyib. Ramazan ayının orucluq mərasiminin başlaması və sona çatması ilə bağlı məsələdə həmişə mübahisələr oldğunu deyən QMİ sədri yeni təqvimlə bu mübahisdələrə son qoyulduğunu söyləyib.
İslam təqvimilə hicri-qəməri 1437-ci ilin birinci günü (məhərrəm ayının 1-i) oktyabrın 15-nə təsadüf edir. Bu ayda Kərbəla şəhidlərinin xatirəsinə keçirilən “aşura mərasimi” oktyabrın 24-nə təsadüf edir. Qazilər Şurasının “Aşura mərasimi”lə bağlı fətvası oxunub. Hər il aşura öncəsi olduğu kimi, yenə də din xadimləri zəncir vurmamağı məsləhət görüblər. Aşura günü ölkə məscidlərində qanvermə kampaniyası aparılacağını nəzərə çatdırıblar. Eyni zamanda, din xadimlərinə aşuranın mahiyyəti, bu ayda şəhid olan İmam Hüseynin mübarizəsinin fəlsəfəsi, şəhidliyinin məqamları barədə söhbətlər aparmaq tövsiyələri verilib. -05C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz