![Narazı qalalılar etiraza qalxıb](https://turan.az/resized/750/500/resize/media/2018/main/110500014537.jpg)
Narazı qalalılar etiraza qalxıb
Bakı/05.11.18/Turan: Xəzər rayonunun Qala qəsəbəsinin bir qrup sakini uzun illərdir yaşadıqları evlərin sökülməsindən narahatdır. Sakinlər bu gün, noyabrın 5-də qəsəbənin Xasaxuna massvivində etiraz aksiyası keçiriblər.
150-dən artıq qəsəbə sakini qəsəbədəki əsas yolu bağlamaqla üzləşdikləri problemi ictimailəşdirmək istəyiblər. Ancaq əraziyə gələn çevik polis əməkdaşları aksiyanın baş tutmasına imkan verməyib.
Narazı sakinlər deyir ki, 20 ilə yaxındır ki, bu ərazidə məskunlaşıblar. Onların əksəriyyəti məcburi köçkünlərdir.
Əslən Kəlbəcər rayonundan olan sakinlərdən Nadir Əliquliyevin deməsinə görə, indiyə kimi evləri ilə bağlı heç bir problem olmayıb. Deputat seçkilərində namizədlər evlərin sənəd probleminin həll olunacağına vəd veriblər.
"Ölkə başçımız da bunu bir neçə dəfə söyləyib. Deputatlar da deyirlər ki, Milli Məclis artıq bu məsələni həll edib. Ancaq keçən həftə "qorotdel"dən xəbərdarlıq gəlib ki, evləriniz qanunsuzdur. Bizi əlimizdəki sənədlərlə idarəyə çağırırlar. Daşı-daş üstünə qoymaq olmur, dərhla icrası, polisi başımızın üstünü alır, qanunsuz ev tikməyə imkan verərlər? Massvidəki bütün evlərin rəsmi ünvanı var, işqı var, qaz, su var. Hər ay ödənişimizi etmişik. Seçki məntəqəsi də var. Siyahı ilə orda qeydiyyatdayıq. Necə olur ki, yaşadığımız ev qanunsuz tikili olur", deyən sakin əlavə edir ki, massiv Xəzər rayonu ilə Abşeron rayonunun arasında qalıb.
"Bir gün bu rayondan, sabah başqa rayonun icrasından gəlirlər. Bizim sitəyimiz budur ki, məsələ birdəfəlik həll edilsin".
Digər narazı sakinlər də eyni problemdən şikayət ediblər. Onların deməsinə görə, evlərin sənədləşməsi üçün sakinlərdən 10 min manata qədər pul istənilir.
"Bizim bu boyda pulu vermək imkanımız yoxdur. Hökumətdəkilər deyib ki, evlər sənədləşdiriləcək. Ya sənədləşdirsinlər, ya da torpaqlarımızı, ev-eşiyimizə özümüzə qaytarsınlar, gedib yaşayaq", sakinlər bildiriblər.
Narazı sakinlər sonda qərara gəliblər ki, bir daha Xəzər rayon İcra Hkimiyyətinə, ölkə başçısına, Ombudsmana problemləri ilə bağlı müraciət etsinlər. Onlar məsələ həllini tapmasa, yenidən etiraz aksiyaları keçirmək niyyətindədirlər.---0--
-
- Siyasət
- 5 Noyabr 2018 17:46
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz