Bakı/22.0218/Turan: Bu gün Ali Məhkəmədə Şahin Yusifovun sədrliyi ilə "Müsəlman Birliyi" hərəkatının lideri Taleh Bağırzadənin, Xalq Cəbhəsi Partiyasının sədr müavini Fuad Qəhrəmanlının və Nardaran hadisələri ilə əlaqədar həbs edilmiş digər 16 nəfərin kassasiya şikayətinə baxış başlayıb.
Dinləmələr təqsirləndirilən şəxslərin özlərinin iştirakı olmadan keçirilib. İclasda yalnız müttəhimlərin üç vəkili - Fariz Namazlı, Elçin Sadıqov və Zibeydə Sadıqova iştirak ediblər.
Hakim digər vəkillərin naməlum səbəblərdən iştirak etmədiklərini elan edib.
Amma hakimin diqqətinə çatdırılıb ki, sözügedən vəkillərdən ikisinin - Yalçın İmanov və Fəxrəddin Mehdiyevin səlahiyyətləri dayandırılıb, Nemət Kərimli isə başqa məhkəmə prosesindədir.
Vəkillər bildiriblər ki, müvəkkilləri təkcə ibtidai istintaq zamanı deyil, həm də məhkəmə təhqiqatı zamanı işgəncələrə məruz qalıblar. Şahidlərə də təzyiq göstərilib. Onların əksəriyyətini məhkəmədən əvvəl polisə çağırıblar və Bağırzadəyə qarşı ifadə verməyi tələb ediblər.
Təqsirləndirilən şəxslər birinci instansiya məhkəməsində DİN başçısı Ramil Usubovun çağırılmasını tələb etdikdən sonra təzyiq güclənib.
Vəkil Zibeydə Sadıqova istintaqın təqsirləndirilən şəxslərdə tapılmış silahın Rusiya zavodlarında istehsal edildiyini iddia etməsinə diqqət çəkib. Amma müdafiə tərəfin sorğularına zavodlardan bu silahların RF-də istehsal edilmədiyi barədə cavablar daxil olub.
Bundan başqa, aşağı məhkəmə instansiyaları DİN-in Mütəşəkkil Cinayətkarlığa qarşı Mübarizə Baş İdarəsinin şöbə müdiri Kərim Əlimərdanovu dindirməyib.
Vəkillər onun və müttəhimlərə işgəncə edən sözügedən idarənin digər əməkdaşları - İslam Ağabəyov, İbrahim Kazımov və Şahlar Cəfərov barəsində xüsusi qərar çıxarmağı xahiş ediblər.
Müdafiə tərəfi bütün məhbuslara bəraət verilməsini xahiş edib. Vəkillər həmçinin məhkəmədən hüquq-mühafizə orqanları məhkəmədən əvvəl müttəhimləri "terrorçu" və "cinayətkar" elan etdikdə onların hüquqlarının pozulmasını qəbul etməyi xahiş ediblər.
Məhkəmənin növbəti iclası martın 1-nə təyin edilib.
2015-ci il noyabrın 26-da polis Nardaranda xüsusi əməliyyat keçirib, nəticədə Taleh Bağırzadə və onun tərəfdaşlarından ibarət qrup həbs edilib. Bir neçə gün ərzində ümumilikdə 70-dən çox insan həbs edilib, sonradan onlar bir neçə qrup halında müxtəlif müddətli azadlıqdan məhrumetmə cəzalarına məhkum ediliblər. -06D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz