Açiq mənbələrdən foto.
Bakı/06.07.23/Turan: Azərbaycan parlamentinin keçmiş deputatı, sahibkar və ictimai xadim Nazim Bəydəmirlinin barəsində həbs qətimkan tədbirinin seçilməsinə dair qərardan apellyasiya şikayəti verilib. Bu barədə Turan-a onun vəkili Aqil Layıc bildirib.
Şikayətdə istintaq orqanının təqdimatının rədd edilməsi və qətimkan tədbiri barədə qərarın ləğvi məsələsi qoyulur.
Vəkil deyib ki, Bəydəmirli 1 saylı Bakı İstintaq Təcridxanasında saxlanılır.
Bəydəmirli iyulun 4-də Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsi tərəfindən saxlanılıb. Ona qarşı Azərbaycan Cinayət Məcəlləsinin 182.2.4-cü maddəsilə (xeyli miqdarda əmlak əldə etmək məqsədilə hədə-qorxu ilə tələb etmə) ittiham irəli sürülüb. Bu maddə 5 ildən 10 ilədək azadlıqdan məhrumetmə cəzasını nəzərdə tutur.
Bu gün məhkəmə onun barəsində 4 ay müddətinə həbs qətimkan tədbiri seçib. Bəydəmirli ittihamı rədd edib, onu uydurma adlandırıb və hüquqi əsasının olmadığını bildirib. Onun sözlərinə görə, həbsin əsl səbəbi Gədəbəy rayonunun Söyüdlü kəndindəki qızıl emalı müəssisəsinin ətraf mühiti çirkləndirməsilə bağlı yerli sakinlərin etirazları ilə əlaqədar çıxışlarıdır.
Hüquq müdafiəçiləri və vətəndaş cəmiyyəti fəalları da Nazim Bəydəmirlinin həbsini siyasi motivli hesab ediblər, məqsəd Söyüdlü kənd sakinlərinin tələblərini dəstəklədiyinə görə onu cəzalandırmaqdır. 1606B
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz