Адыль Исмайлов
Bakı/10.09.19/Turan: Vəkillər Kollegiyası (AVK) vəkil Adil İsmayılovun fəaliyyətini bir illik dayandırıb. Bu barədə qərar Kollegiyanın Rəyasət Heyətinin 9 sentyabr tarixli iclasında qəbul edilib.
AVK-nin məlumatında qeyd edilir ki, qərar "nizam-intizam icraatı" çərçivəsində qəbul edilib. Bu zaman vəkilin hansı intizam pozuntusunda ittiham olunduğu dəqiqləşdirilmir.
İsmayılov özü hələlik şərh verməkdən yayınır. Son illər bir sıra vəkillər AVK-dən çıxarılıb, yaxud da müvəqqəti olaraq işdən kənarlaşdırılıb.
Adil İsmayılov ölkənin ən təcrübəli vəkillərindən biridir. O, bir çox rezonans doğuran işin fiqurantlarını müdafiə edib.
Son zamanlar İsmayılov facebook-da Hacı Məmmədovun qanqster bandası tərəfindən insan oğurluğu haqqında işlə bağlı bir sıra status dərc edib.
İsmayılov Baş Prokurorluq rəhbərliyində bandanın cinayət əməlləri haqqında məlumat olması haqqında faktları açıqlayıb.
Hazırda İsmayılov dövlət orqanları ilə məhkəmə çəkişməsində "Azalıq Radiosu"nun Azərbaycan xidmətinin vəkilidir. -16D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz