Bakı/28.05.19/Turan: Polis Bakının Novxanı qəsəbəsində görünməmiş təhlükəsizlik tədbirlərini gücləndirir. Bu gün müxalifət qurumları Respublika Günü münasibətilə Məhəmməd Əmin Rəsulzadənin abidəsi önündə bayram mitinqi keçirməyi planlaşdırır.
Müsavat Partiyasının aparat rəhbəri Gülağa Aslanlı Turan-a bildirib ki, qəsəbəyə çevik qüvvələr gətirilib. Polis abidəyə gedən yolu nəzarətə götürüb.
Bundan öncə heç zaman polis Respublika Günündə belə gücləndirilmiş tədbirlər tətbiq etməmişdi, G.Aslanlı qeyd edib.
Müsavat Partiyasının mətbuat xidmətinin rəhbəri bildirib ki, bayram tədbirinə gedən 4 müxalifətçi saxlanılıb.
Hazırda Müsavat Partiyası Rəsulzadənin abidəsinin önündə mitinq keçirir.
1918-ci il mayın 28-də Azərbaycan Xalq Cümhuriyyəti elan edilib və 1920-ci il aprelin 28-dək mövcud olub.
Müxalifət qüvvələri hər il mayın 28-də AXC-nin banilərindən biri Məhəmməd Əmin Rəsulzadənin abidəsi önündə bayram mitinqi keçirir. -06D--
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz